जेठ ३, काठमाडौं । साताको दोस्रो कारोबार दिन सोमवार नेप्से परिसूचकले कीर्तिमानी उचाइ कायम गरेको छ ।
योदिन नेप्से परिसूचक अघिल्लो कारोबार दिनको तुलनामा २० दशमलव ७१ अंक अर्थात् शून्य दशमलव ७६ प्रतिशतले वृद्धि भएर २ हजार ७५९ दशमलव २१ विन्दुमा पुगेको हो ।
कारोबारमा आएका २१८ ओटा कम्पनीको १ करोड ९० लाख ५६ हजार २३६ कित्ता शेयरको १ लाख १ हजार ९१८ पटकमा रू. ९ अर्ब ५७ करोड ६३ लाख ६१ हजार १३९ बराबरको शेयर खरीदविक्री भएको छ । यसदिन कारोबारमा आएका ती कम्पनीहरुमध्ये ११ ओटा कम्पनीको शेयर मूल्यमा सर्किट लेबलमा वृद्धि भएको छ ।
योदिन सबैभन्दा बढी रू रू जलविद्युत् परियोजनाको शेयर मूल्य अघिल्लो कारोबार दिनको तुलनामा १० प्रतिशतले वृद्धि भएको छ । कम्पनीको शेयर मूल्य प्रतिकित्ता रू. ९६८ पुगेको छ ।
त्यसैगरी समता घरेलु लघुवित्तको शेयर मूल्य ९ दशमलव ९८ प्रतिशत,राधी जलविद्युत् कम्पनीको ९ दशमलव ९४ प्रतिशत,कर्पोरेट डेभलपमेण्ट बैंकको ९ दशमलव ९३ प्रतिशत, प्रोग्रेशिभ फाइनान्सको ९ शदमलव ९१ प्रतिशत,गुराँस लघुवित्तको ९ दशमलव ८९ प्रतिशत,बरुण हाइड्रोपावरको ९ दशमलव ८८ प्रतिशत,पञ्चकन्या माई हाइड्रोपावरको ९ दशमलव ७५ प्रतिशतले वृद्धि भएको छ ।
त्यसैगरी नेपाल फाइनान्सको ९ दशमलव ७३ प्रतिशत,रिडी हाइड्रोपावरको ९ दशमलव ७२ प्रतिशत र खानी खोला हाइड्रोपावरको ९ दशमलव ५ प्रतिशतका दरले वृद्धि भएको छ । त्यसैगरी योदिन सर्वाधिक कारोबार गर्नेमा भने नेपाल पुनर्बीमा कम्पनी रहेको छ । उक्त कम्पनीको रू. ६६ करोड १ लाख ८१ हजार बरावरको शेयर खरीदविक्री भएको छ ।
दोस्रोमा भने नेपाल टेलिकमको रू. ४२ करोड ६९ लाख ९० हजार बराबरको शेयर खरीदविक्री भएको छ ।
कारोबारमा आएका १३ ओटा समूहमध्ये होटल एण्ड टुरिजम समूहको परिसूचक शून्य दशमलव ३९ प्रतिशत, विकास बैंक समूहको शून्य दशमलव शून्य २ प्रतिशत र उत्पादन प्रशोधन समूहको परिसूचक शून्य दशमलव ७२ प्रतिशतले घटेको छ भने बाँकी समूहको परिसूचक बढेसँगै समग्र नेप्से परिसूचक बढेको हो ।
यसदिन सबैभन्दा बढी त्यसैगरी अन्य समूहको परिसुचक पनि २ दशमलव ६३ प्रतिशतका दरले वृद्धि भएको छ । हाइड्रोपावर समूहको परिसूचक भने २ शदमलव ५२ प्रतिशतले वृद्धि भएको छ ।
यसदिन लगानीकर्ताको आकर्षण जलविद्युत् कम्पनीको शेयरमा परेको देखिएको छ । सोही कारण यसदिन अधिकांश जलविद्युत् कम्पनीहरुको शेयर मूल्यमा उच्च दरमा वृद्धि भएको छ ।
अधिकांश सूचीकृत कम्पनीहरुले तेस्रो त्रैमासिक वित्तीय विवरण सार्वजनिक गरेका छन् । उक्त अवधिमा औषतमा कम्पनीहरुले राम्रो मुनाफा आर्जन गरेका छन् । त्यस्तै ब्याजदर पनि सस्तो छ भने वित्तीय प्रणालीमा सहज तरलताको अवस्था छ । यसले गर्दा पनि बजार अझै माथि जानसक्ने लगानीकर्ताहरुले अनुमान गरेका छन् ।
