पुस २, नयाँदिल्ली( भारत) । भारतमा कोरोना भाइरसबाट थप ७ हजार ४४७ जना संक्रमित भएका छन् ।
सोही अवधिमा थप ३९१ जनाको कोरोनाका कारण मृत्यु भएको केन्द्रीय स्वास्थ्य मन्त्रालयले जानकारी दिएको छ । यसैसँगै भारतमा कोरोनाको कारण मृत्यु हुनेको संख्या ४ लाख ७६ हजार ८६९ पुगेको मन्त्रालयले जानकारी दिएको छ ।
भारतमा अहिले संक्रमित अवस्थामै रहेकाको संख्या ८६ हजार ४१५ रहेको छ । अहिले संक्रमित अवस्थामै रहेकाको संख्या कुल संक्रमितका संख्याको शून्य दशमलव २५ प्रतिशत मात्रै रहेको मन्त्रालयले बताएको छ । यो संख्या सन् २०२० को मार्च पछिकै सबैभन्दा कम रहेको अधिकारीले बताएका छन् ।
गएको २४ घण्टामा भारतमा ७ हजार ८८६ कोरोनाबाट मुक्त भएका छन् ।
यसैसँगै कोरोना शुरु भएयता हालसम्म ३ करोड ४१ लाख ६२ हजार ७६५ जना कोरोना संक्रमणबाट मुक्त भएका छन् । भारतमा कोरोना भाइरस निको हुने दर ९८ दशमलव ३८ प्रतिशत रहेको बताइएको छ । यो संख्या सन् २०२० को मार्चपछि सबभन्दा बढी हो ।
भारतमा कोरोना शुरु भएदेखि हालसम्म ६६ करोड २ लाखभन्दा बढी व्यक्तिको कोरोना परीक्षण भएको छ । यहाँ गत जनवरी १६ बाट कोरोना भाइरसविरुद्ध खोप अभियान शुरु भएको थियो । सो समयदेखि हालसम्म १ अर्व ३५ करोड ९९ लाख ९६ हजार २६७ डोज खोप लगाइएको छ । रासस/ एएनआई
