धनकुटा : धनकुटामा पछिल्लो समय फलफूलको खेती गर्ने क्रम बढ्दो छ। एभोकाडो, किवी फलसँगै ड्रागन फल पनि भित्रिएको छ।साँगुरीगढी गाउँपालिका-१ सिम्लेटोलका रामप्रसाद लिम्बू २०५७ सालमा रोजगारीका लागि साउदी अरब पुगे। मासिक ३०० रियल तलब पाएका लिम्बूले चार वर्ष त्यहाँ बस्दा पनि जाँदा लागेको ऋण तिर्न सकेनन्। त्यसपछि राम्रो कमाइ खोज्दै कतार पनि पुगे। तर, त्यहाँ पनि उस्तै अवस्था रहेपछि २०६६ सालमा नेपाल फर्केर काठमाडौंमा मालपोत कार्यालयमा लेखापढी व्यवसाय गर्ने तयारी गरे। तर‚ बुवा बिरामी भएपछि उनी गाउँ फर्कि
