पर्यटन बोर्ड खारेज गर्ने प्रदेश सरकारको निर्णयमा उच्च अदालतबाट कारण देखाउ आदेश

पर्यटन बोर्डका सीईओ रेग्मीलाई निलम्बन नगर्न सर्वोच्चको अन्तरिम आदेश

सर्वोच्च अदालतले नेपाल पर्यटन बोर्डका सीईओ धनन्जय रेग्मीलाई निलम्बन नगर्न अन्तरिम आदेश दिएको छ । न्यायाधीश दीपककुमार कार्कीको एकल इजलासले रेग्मीलाई निलम्बन गर्ने निर्णय कार्यान्वयन नगर्न नगराउन पर्यटन बोर्ड र पर्यटन मन्त्रालय लगायतका विपक्षीको नाममा अल्पकालीन अन्तरिम आदेश दिएको हो।अदालतले यस विषयमा कारण देखाउ आदेश समेत जारि गरेको छ  । साथै अदालतले  दुवै पक्षलाई माघ ३ गते छलफलका लागि बोलाएको छ । सरकारले उनी माथि छानविन गर्न छानविन समिति गठन गरेसंगै रेग्मी स्वत निलम्बनमा परेका थिए ।  रेग्मीमाथि लागेका आरोप छानबिन गर्न बोर्डका उपाध्यक्ष चन्द्र रिजालको संयोजकत्वमा छानबिन समिति गठन गरेको थियो ।  निलम्बन विरुद्द रेग्मी अदालत गएका थिए  ।