नेकपा (एकीकृत समाजवादी) ले ‘जनमुखी स्थानीय सरकार : विकास र समृद्धिको आधार’ मुख्य नारासहित स्थानीय तह निर्वाचनका लागि मंगलबार घोषणापत्र सार्वजनिक गरेको छ । अध्यक्ष माधवकुमार नेपालले सार्वजनिक गरेको ४८ पृष्ठको घोषणापत्रमा सामाजिक र आर्थिक विकासलाई विभिन्न नारामा समेटिएको छ । पार्टी निर्माणपछि पहिलोपटक चुनावी प्रतिस्पर्धामा सहभागी हुन लागेको नेकपा एसले स्वास्थ्य सेवालाई बढी प्राथमिकता दिएको छ ।