जति धेरै बजेट, त्यति धेरै बेथिति भएको भौतिक पूर्वाधार तथा यातायात मन्त्रालयको नेतृत्वमा माओवादी नेता नारायणकाजी श्रेष्ठ पुगेका छन् । उप–प्रधानमन्त्रीसहित मन्त्रालयको जिम्मेवारी पाएलगत्तै सेवाग्राही र पूर्वाधार विकासमा उनले दिएका टिप्पणी तथा क्रियाकलाप तत्काल केही सुधार गरिहालौं भन्ने प्रकृतिका छन्, जुन सकारात्मक छन् । तर त्यसका लागि उप–प्रधानमन्त्री श्रेष्ठ भाषण र अनुगमनको ‘स्टन्ट’ भन्दा पनि समन्वय र विधिका साथ परिणाम दिने गरी हिँड्न आवश्यक देखिन्छ ।