जेठ १८, काठमाडौं । २० ओटा निर्जीवन बीमा कम्पनीहरूले वैशाख महीनामा कुल रू. २ अर्ब ५२ करोडभन्दा बढी बीमाशुल्क आर्जन गरेका छन् ।
बीमा समितिले सार्वजनिक गरेको वैशाखसम्मको तथ्यांकले यस्तो देखाएको हो । वैशाख मसान्तसम्ममा भने यी २० कम्पनीले कुल रू. ३१ अर्ब १९ करोड बीमाशुल्क आर्जन गरेका हुन् ।
वैशाख महीनमा सबैभन्दा बढी बीमाशुल्क आर्जन शिखर इन्स्योरेन्स कम्पनीले गरेको छ । कम्पनीले रू. ४२ करोड २ लाखभन्दा बढी बीमाशुल्क आर्जन गरेको हो । यस कम्पनीले वैशाख मसान्तसम्ममा भने कूल रू. ४ अर्ब १३ करोड बीमाशुल्क आर्जन गरेको छ ।
यसैगरी दोस्रोमा वैशाख महीनामा मात्रै हिमालयन जनरल इन्स्योरेन्स कम्पनीले रू. २५ करोड बीमाशुल्क आर्जन गरेको हो । यस कम्पनीले वैशाख मसान्तसम्ममा भने कुल रू. १ अर्ब ५१ करोडभन्दा बढी बीमाशुल्क आर्जन गरेको छ ।
२० कम्पनीमध्ये वैशाख महीनामा सबैभन्दा कम जनरल इन्स्योरेन्स कम्पनीले रू. ३ करोड ७४ लाख बीमाशुल्क आर्जन गरेको हो । यो कम्पनीले चालू आवको वैशाखसम्म ७५ करोड ९८ लाख रुपैयाँ बीमा शुल्क आर्जन गरेको छ ।
