भिखारी
मन्दिरको ढोकामा
एउटा मगन्ते
हात पसार्छ
प्रभु ! दिनुहोस्
मेरो कोही छैन
मन्दिरको मूलढोकामा
एउटा धनी मगन्ते
हात पसार्छ
प्रभु ! दिनुहोस्
मेरो कोही छैन ।
दुवै भिखारीको एकै सहारा
भगवान् दैव सहारा ।
०००
काल
बुढी मरी भन्दा पनि
काल पल्केकोमा चिन्ता छ
डर विश्वभरि छ
विषाक्त जीवाणु
कोरोनाभाइरस
एकएक घर
फेरी लाउँदै घुम्दै छ
झुपडीदेखि महल पुग्दै छ ।
मान्छेको फूलबारी
कुल्चँदै यहाँ उभिएको छ
उजाड छ, सुनसान छ ।
अरूलाई जस्तै मलाई
डर...
प्रिय,
कुनैदिन म गएछु भने
तिमीबाट टाढा भएछु भने
लेखिदिनु एउटा बिरही गीत,
खसी जाने शितको सम्झनामा
पैयुँको बोटमा जुनकीरिले गाए जस्तो
बिरहको कुनै अँध्यारो रातमा
तिमीलाई सम्झि रुँदै रुँदै
म गाउनेछु ।
म खसेछु भने
मिर्मिरेमा तारा खसेजस्तो,
म बगेछु भने
सागरमा पुतली बगेजस्तो,
चढाई दिनु दुई थुँगा फूल,
लाहुर हिँडेको सिपाहीले
फेरी भेट्ने बाचा गर्दै
पियारीको सम्झनामा
सिमलको फेँदमा
पाती चढाए जस्तो
तिमीले बिर्स्यौ भने पनि
त्यै बाटो …
