जेठ ३०, काठमाडौ, काठमाडौं । आइएमई लाइफ इन्स्योरेन्स कम्पनीले सोमवार तेस्रो साधारण सभा बोलाएको छ ।
कम्पनीले सभा बिहान १० बजे लैनचौरस्थित कम्पनीको रजिष्टर्ड तथा कर्पोरेट कार्यालयमा भिडियो कन्फरेन्सको माध्यमबाट हुने जानकारी दिएको छ । सभाले आईपीओ निष्कासन गर्ने प्रस्ताव पारित गर्नेछ । साथै सभाले आव २०७५/ ७६ को वार्षिक प्रतिवेदन छलफल गरी पारित गर्नेछ ।
सभाले आव २०७६/ ७७ को लागि लेखापरिक्षकको नियुक्ती गर्ने र निजको पारिश्रमिक निर्धारण गर्ने प्रस्ताव पनि पारित गर्नेछ ।
साथै सभाले संस्थापक शेयरधनी आइएमई जनरल इन्स्योरेन्सको तर्फबाट त्यस कम्पनीको प्रमुख कार्यकारी अधिकृत युगेशभक्त बादे श्रेष्ठलाई कम्पनीको सञ्चालक समितिमा गरिएको नियुक्तीलाई अनुमोदन गर्नेछ । कम्पनीले ६० लाख कित्ता आईपीओ निष्कासन गर्ने तयारी गरिरहेको छ ।
आवश्यक प्रक्रिया पुरा गरेपछि कम्पनीले नेपाल धितोपत्र बोर्डमा निवेदन दिएर स्वीकृती पाएपछि आईपीओ निष्कासन गर्नेछ ।
