काठमाडौं। प्रधानमन्त्री केपी शर्मा ओलीले नेपाल जस्ता साना राष्ट्रले ‘राष्ट्रिय हित’ मात्र हेरे त्यो उपयोगी हुन नसक्ने बताएका छन्। “परराष्ट्र सम्बन्धमा राष्ट्रिय हितहरुलाई प्राथमिकतामा राखिन्छ। यो राख्दा न्याय र अन्तर्राष्ट्रिय उत्तरदायित्वलाई छोडियो भने राष्ट्रिय हित या त अन्धराष्ट्रवाद हुन्छ या संक्रिण राष्ट्रिय केन्द्रित हुन्छ। यो अन्तर्राष्ट्रिय भाइचारालाई सुहाउँदैन,” परराष्ट्र मामिला अध्ययन प्रतिष्ठनले आज आयोजना गरेको कार्यक्रममा उनले भने।
