भक्तपुर जिल्लाको कमलविनायक, भत्केको पाटीदेखि नगरकोटसम्मको सडक विस्तारमा चरम ढिलासुस्ती भएको भन्दै स्थानीय जनप्रतिनिधिले आन्दोलनमा उत्रने चेतावनी दिएका छन् । उक्त सडक विस्तारका लागि ठेक्का लागेको ८ वर्ष भए पनि समयमै काम नसकिँदा स्थानीयवासी र नगरकोट जाने पर्यटकले सास्ती भोग्दै आएका छन् ।उक्त सडक आयोजना समयमै निर्माण नभएको भन्दै चाँगुनारायण नगरपालिकाले सोमबार भक्तपुरका प्रमुख जिल्ला अधिकारीमार्फत प्रधानमन्त्रीलाई ध्यानाकर्षण पत्र बुझाएको छ । ध्यानाकर्षण पत्रमा १५.६६ किलोमिटर सडक चौडा र कालोपत्रे गर