सर्वाेच्च अदालतले यातायात क्षेत्रमा मोटरसाइकल र स्कुटरबाट प्रविधिको उपयोग गर्दै निजी व्यवसाय सञ्चालन गरिरहेका कम्पनी ‘पठाओ’को सेवा रोक्न अस्वीकार गरेको छ । गैरकानुनी रूपमा सञ्चालन भएको भन्र्दै उक्त राइड सेयरिङ कम्पनी पठाओको सेवा रोक्न माग गर्दै परेको रिटमाथि मंगलबार सर्वोच्चको संयुक्त इजलासले अन्तरिम आदेश जारी गर्न अस्वीकार गरेको हो । न्यायाधीशद्वय केदारप्रसाद चालिसे र अनिलकुमार सिन्हाको इजलासले फैसला हुँदा कानुनसम्मत भए नभएका विषयमा निर्णय हुने भन्दै हाललाई अन्तरिम जारी गर्न नपर्ने बताएको हो ।