देशभर कोरोना संक्रमणको जोखिम बढेपश्चात सरकारले पर्यटन क्षेत्रअन्तर्गत सञ्चालन हुने रात्रीकालीन कार्यक्रममा राती नौ बजेपछि बन्द गर्न सुझाव दिएको छ। घरबाहिर जाँदा अनिवार्यरुपमा मास्कको प्रयोग गर्न निर्देशन समेत दिइएको छ।
स्वास्थ्य तथा जनसंख्या मन्त्रालयले सार्वजनिक यातायात, मन्दिर, सिनेमा हल, सपिङ मललगायतका भीडभाड हुने स्थानमा, जनस्वास्थ्यका मापदण्ड कडाइका साथ पालना गर्न र मापदण्ड लागु भए नभएको निगरानी गर्न स्थानीय तहहरुलाई सूचित गरेको छ ।
