चार दशककै सबभन्दा ठूलो मानिएको रेल दुर्घटनामा परि ताइवानमा कम्तीमा ३६ जना मारिएका छन्। दुर्घटनामा ७२ जनाभन्दा बढी घाइते भएको त्यहाँको सेन्ट्रल न्युज एजेन्सी(सीएनए)ले जनाएको छ ।
ट्रकलाई ठक्कर दिएपछि उक्त रेल सुरुङभित्र लिकबाहिर गएर दुर्घटनामा परेको थियो । ताइेपेईबाट ताइतुङ गइरहेको उक्त रेलमा करिब ३ सय ५० यात्रु रहेको अधिकारीहरुले जनाएका छन् ।
८ वटा डिब्बा रहेको उक्त रेलका केही डिब्बा सुरुङभित्रै रहेका छन् । अझै पनि केही यात्रु भित्रै फसिरहेको र उनीहरुको उद्धार भइरहेको बताइएको छ । सामान्य घाइते भएका ६१ यात्रुलाई भने अस्पताल लगिएको छ ।
