गीतकार तथा सञ्चारकर्मी भुपेन्द्र खड्काले सहजीकरण गरेको ‘आफ्नै कथा, आफ्नै बान्की’ मा बुद्धिसागरसँगै रंगकर्मी हिराबिजुली नेपाली, देउडा गायक नेत्रराज शाही र लेखक सरला गौतमले पनि आफ्नो अनुभव सुनाए ।
खेलमार्फत कर्णालीलाई चिनाउने जुम्लाकी सुनमाया बुढाले उत्सवको पहिलो सत्रमा आफ्नो अनुभव सुनाइन् । ‘आफैंले संघर्ष गर्न जरुरी छ,’ उनले भनिन्, ‘संघर्ष गरे कहिँ पनि असफल भइँदैन ।’
कार्यक्रमको अर्को सत्रमा कर्णालीको अर्को पाटो ‘हाट र भोट जाने चलनबारे’ बहस चलाइयो । पत्रकार नगेन्द्र उपाध्यायले सहजीकरण गरेको सत्रमा कर्णाली प्रदेशसभाका सभामुख राजबहादुर शाहीले ४० वर्षअघि दुईपटक हाट गएको अनुभव सुनाए ।
‘कर्णाली घुराउरो बग्दो लौरी बगाउँदैन ।
बैरागीका बाजामन डुली अगाउँदैन ।।
कर्णालीको यो लोकभाका गुनगुनाउँदै फागुन २६ फागुन देखि सुर्खेत वीरेन्द्रनगरस्थित बुलबुले उद्यानमा ‘कर्णाली उत्सव कुडा कर्णाली’को दोस्रो संस्करण सुरु भएको थियो । बुधबारदेखि सुरु भएको उत्सव शनिबारसम्म चल्नेछ ।