नेकपा एमालेमा बढिरहेकाे विवाद तत्काल साम्य हुने संकेत देखिएकाे छैन। लामाे समयपछि संवादहीनता ताड्दै अध्यक्ष केपी शर्मा ओली र वरिष्ठ नेता माधवकुमार नेपालको भेटवार्ता भएपनि कुनै ठाेस सहमति हुन सकेकाे छैन। बैठकपछि बाेल्दै नेपालले कुराकानी उत्साहप्रद नभएकाे प्रतिक्रिया दिएका छन्। त्यस्तै उनले नयाँ दल खाेलेकाे भन्ने कुरा साँचाे नभएकाे बताए।
भूकम्पले ढलेकाे धरहराकाे निर्माण झण्डै सकिएकाे छ। वैशाख ११ गते प्रधानमन्त्री केपी शर्मा ओलीले उद्घाटन गर्ने कार्यक्रम रहेकाे धरहरा वरिपरि बन्ने अन्य संरचनकाे भने निर्माण कार्य जारी रहेकाे छ। धरहराको पुनर्निर्माण अत्याधुनिक र भूकम्प प्रतिरोधी रहेकाे बताइएकाे छ। अन्डरग्राउन्ड र पार्किङको काम ५० प्रतिशत मात्र सम्पन्न भएको बताइएकाे छ।
रामकाे जन्मभूमिका रूपमा प्रधानमन्त्रीद्वारा घाेषित चितवनकाे माडीमा राम, सीता, लक्ष्मण र हनुमानको मूर्ति राखिएकाे छ। माडी नगरपालिका वडा नं. ९ स्थित माा कृष्णनगरमा मूर्ति राखिएको हो। काठमाडाैँबाट लगिएका मूर्तिहरू प्रधानमन्त्री ओलीले पूजाआजा गरी विदा गरेका थिए। रथयात्राको टाेली दासढुंगा नारायणगढ, चौविसकोठी, विकास चोक, पटिहानी ठाेरी पुगेकाे हाे।
सर्वाेच्च अदालतले अख्तियार दुरुपयोग अनुसन्धान आयोग आफैंले घूस रकम उपलब्ध गराउँदै ‘स्टिङ अपरेसन’का आधारमा अब सरकारी कर्मचारी पक्राउ गर्न नपाउने निर्णय गरेकाे छ। याेसँगै अदालतमा विचाराधीन स्टिङ अपरेशनका ४०० मुद्दा खारेज हुने भएका छन्।
एमालेले नेपाल समूहका ३२ जना नेताहरूलाई स्पष्टीकरण साेधेकाे छ। संघीय संसदका २७ जना सदस्य र प्रदेश सभाका ५ जनासहित ३२ जनालाई स्पष्टीकरण सोधिएकाे हाे। उनीहरूलाई पार्टीविधान उल्लंघन गरेकाे आराेप लागेकाे छ। उता नेपाल समूहका नेताहरूले भने आफूहरू एमालेमै रहेकाे बताउँदै पार्टीभित्रै रहेर संघर्ष गर्ने बताएका छन्।
प्रधानमन्त्री केपी शर्मा ओलीले जसपा नेता तथा कार्यकर्तालाई लागेका मुद्दा टुंग्याउने आश्वासन दिएका छन्। जसपाका चारजना नेताहरूसँग भेटेका प्रधानमन्त्री यस्ताे आश्वासन दिएका हुन्। यसअघि रेशम चाैधरी लगायतका थारू आन्दोलनमा पक्राउ परेका नेता कार्यकर्ताकाे मुद्दा फिर्ता गर्न फाइल गृहमन्त्रालय पुगेकाे थियाे।
नेपालमा पछिल्लो २४ घण्टामा काेराेनाका १६० जना बिरामी आईसीयूमा भर्ना भएका छन्। त्यस्तै काेराेनाकाे सिकिस्त लक्षण देखिएका अन्य ४५ जनालाई भेन्टिलेटरमा राखिएकाे छ। यीमध्ये सबैभन्दा धेरै सिकिस्त बिरामी वाग्मती प्रदेशमा भेटिएका छन्। त्यस्तै देशैभरि काेराेनाबाट मृत्यु हुनेकाे संख्या बढ्दाे क्रममा देखिएकाे छ। सरकारले भने १३ बुँदे सूचना जारी गरेकाे छ।
सरकारले जसपासँगकाे सत्ता साझेदारीका लागि रेशम चाैधरी लगायतकाे मुद्दा फिर्ताकाे प्रक्रिया अघि सारेकाे छ। आजकै मन्त्रिपरिषद् बैठकबाट मुद्दा फिर्ता र कैद माफी मिनाहाको प्रस्ताव लैजाने योजना भएपनि तयारी नपुगेकाे भन्दै राेकिएकाे हाे। यसअघि सरकारसँगकाे वार्तामा जसपा कार्यदलले सबैखालका मुद्दा फिर्ता लिने बारे छलफल गरेकाे थियाे।
नेपाल धितोपत्र बोर्डले आईपीओमा १० कित्ते नीति हटाउने भएको छ। बोर्डले प्राथमिक बजारमा १० कित्ते प्रावधान हटाउँदै न्यूनत्तम ५० कित्ता पुर्याउने तयारी गरेको हो। केही समयअघि बाेर्डले यो प्रावधान हटाउने तयारी गरेपनि साना लगानीकर्ताहरूको विरोधका कारण निर्णय हुन सकेको थिएन। १० कित्ते नीतिले विकृति ल्याएको भन्दै प्रावधान हटाउन लागिएको हाे।
सरकारले वैशाख महिनाभरि सहरी क्षेत्रका विद्यालय बन्द गर्ने निर्णय गरेको छ। कोरोना प्रकोप बढ्दै जाँदा सरकारले यस्तो निर्णय लिएको हो। त्यस्तै बन्द अवधिभर अनलाइन र वैकल्पिक शिक्षण पद्धतिबाट शैक्षिक गतिविधि अगाडि बढाउने निर्णय लिइएको छ। सरकारले कोरोना नियन्त्रणसम्बन्धी आदेश तथा मापदण्डसमेत जारी गरेको छ।
लुम्बिनी प्रदेशका मुख्यमन्त्री शंकर पोखरेल विरुद्ध अविश्वासको प्रस्ताव दर्ता भएको छ। कांग्रेस, माओवादी केन्द्र र जसपाले संयुक्त रूपमा अविश्वासको प्रस्ताव दर्ता गरेका हुन्। प्रस्तावमा ४१ सांसदले हस्ताक्षर गरेका छन्। यसअघि कर्णाली प्रदेशमा अविश्वासको प्रस्ताव फेल भएको थियो। आजै प्रतिनिधिसभाको अधिवेशन राष्ट्रपति विद्यादेवी भण्डारीले अन्त्य गरिदिएकी छन्।
गृहमन्त्री रामबहादुर थापा बादलले मन्त्री तथा सांसद पद गुमाएका छन्। माओवादी केन्द्रले उनलाई पार्टीबाट निष्कासन गरेसँगै राष्ट्रिय सभा सचिवालयले उनको राष्ट्रिय सभा सदस्य पद खारेज भएको सूचना जारी गरेको हो। उनी आजै पुनः गृहमन्त्रीका रूपमा सपथ लिने भएका छन्। उनको ठाउँमा ३५ दिनभित्र पुनः निर्वाचन हुने भएको छ।
कोभिड–१९ संकट व्यवस्थापन केन्द्रले वैशाख मसान्तसम्म विद्यालय बन्द राख्न सिफारिस गरेकाे छ। सीसीएमसीले ठूला सहर र कोरोनाकाे उच्च संक्रमण भएका स्थानका विद्यालय बन्द गर्न सिफारिस गरेको हाे। अन्य ठाउँका विद्यालयबारे प्रदेश र स्थानीय तहले निर्णय लिनसक्ने बैठककाे निष्कर्ष छ। त्यस्तै डान्सवार तथा अन्य हस्पिटालिटीहरू समेत बन्द गर्नुपर्ने भएकाे छ।
त्रिकोणात्मक २०/२० क्रिकेट शृंखलाकाे पहिलो खेलमा नेपालले नेदरल्याण्डलाई ९ विकेटले पराजित गरेको छ। नेदरल्यान्ड्सले त्रिवि क्रिकेट मैदान, कीर्तिपुरमा निर्धारित २० ओभरमा ४ विकेट गुमाइ १३६ रन बनाएको थियो। नेपालकाे तर्फबाट कुशल भुर्तेल, आशिफ शेखले अर्धशतक प्रहार गरेसँगै नेपालकाे विजयी यात्रा शुरू भएकाे हाे। नेपालले १५ ओभरमै लक्ष्य पुरा गरेकाे हाे।
प्रधानमन्त्री केपी शर्मा ओलीले बाेलाएकाे सर्वदलीय बैठकमा एमसीसी लगायत विषयमा छलफल भएकाे छ। बैठकमा प्रधानमन्त्री ओलीले सभामुख अग्नि सापकाेटाले संसदलाई बन्धक बनाएकाे आराेप लगाए। बैठकमा कांग्रेसबाट सभापति शेरबहादुर देउवा, जसपाबाट महन्थ ठाकुर, राप्रपाबाट प्रकाशचन्द्र लोहनी लगायत सहभागी थिए। बैठकमा एमालेका नेता माधवकुमार नेपाल, माओवादी नेता प्रचण्ड भने सहभागी भएनन्।
फ्लाेर क्रश गरी मुख्यमन्त्री महेन्द्रबहादुर शाहीकाे कुर्सी जाेगाएकाे भन्दै एमालेले आफ्ना चारजना प्रदेशसभा सांसदलाई कारबाही गरेकाे छ। उता सांसद प्रकाशज्वालाले पार्टी एकताकाे सन्देश दिन आफूहरूले फ्लाेर क्रश गरेकाे बताएका छन्। उता कर्णाली एमालेले सांसदहरूले राजनीतिक अपराध गरेकाे बताएकाे छ।
नेपालमा दुई नयाँ भेरियन्टकाे काेराेना फैलिएकाे देखिएकाे छ। नेपालमा डबल म्युटेन्ट र युके भेरियन्टकाे काेराेनाकाे नयाँ भेरियन्ट देखिएकाे हाे। तीमध्ये युके भेरियन्टकाे काेराेना तीव्र रूपमा फैलिइरहेकाे छ। बालबालिका, वृद्धवृद्धाका लागि बढी खतरनाक मानिएकाे याे भेरियन्टका शिकार भने ३०-३९ वर्षीय युवा संक्रमित भइरहेका छन्। युके भेरियन्टका संक्रमितकाे ट्राभल हिस्ट्री खाेजिँदैछ।
स्वास्थ्य मन्त्रालयले सबै सरकारी अस्पतलाहरूले कोरोना संक्रमितका लागि कम्तीमा ५० बेड छुट्याउनुपर्ने निर्णय गरेकाे छ। काेराेना संक्रमण बढ्दै जाँदा सरकारले यस्ताे निर्णय गरेकाे हाे। त्यस्तै मन्त्रालयले अति संक्रमण बढेका १४ जिल्लाका विद्यालय बन्द गर्न समेत भनेकाे छ। उता स्थानीय तहहरू विद्यालय बन्दबारे संघीय सरकारकाे निर्णय कुरेर बसेकाे बताएका छन्।
गण्डकी प्रदेश सरकारविरुद्ध अविश्वासको प्रस्ताव आएपछि त्यहाँका मुख्यमन्त्री पृथ्वीसुब्बा गुरुङले संसद बैठक स्थगित गरेका छन्। त्यस्तै सरकारमा प्रमुख साझेदार रहेको माओवादी केन्द्रले सरकारलाई दिएको समर्थन फिर्ता लिएको छ। यता प्रतिपक्षी दलले प्रदेश प्रमुखसमक्ष संसदको विशेष अधिवेशन बोलाउन माग गर्दै निवेदन दर्ता गरेका छन्। संसद अधिवेशन बोलाइए सरकार ढल्नेछ।
वर्ष २०७७ नेपालका लागि विशेष रह्याे। काेराेना र त्यसले निम्त्याएकाे आर्थिक, सामाजिक समस्याले ठूलो उथलपुथल ल्यायो। त्यस्तै राजनीतिक रूपमा पनि यसवर्ष अनेकौं घटना भए। संसद विघटनदेखि पुनःस्थापनासम्म, नेकपा विवाद तथा सर्वोच्चले ल्याइदिएको सो पार्टीको विभाजनसमेत चर्चामा रह्याे। यस वर्ष के-के घटना भए त तिनकाे मुख्य-मुख्य तथ्यहरूलाई यहाँ सूचीकृत गरिएको छः
छिमेकी देश भारतमा काेराेनाले भयावह रूप लिएकाे छ। नयाँ भेरियन्टकाे भनिएकाे काेराेना भेटिएसँगै भारतमा ठूलाे संख्यामा काेराेना संक्रमित भेटिन थालेका छन्। पछिल्लाे २४ घण्टामा मात्रै भारतमा काेराेनाका १ लाख ६१ हजार काेराेना संक्रमित भेटिएका छन्। त्यस्तै, भारतमा काेराेना खाेपकाे अभाव भएकाे बताइएकाे छ।
स्वास्थ्यमन्त्री हृदयश त्रिपाठीले कोरोना संक्रमितको संख्या दैनिक ११ हजारसम्म पुग्ने प्रक्षेपण रहेको बताएका छन्। त्यस्तै उनले सक्रिय संक्रमितको संख्या ६ लाख पुग्ने समेत बताएका छन्। उनले कोरोना बढ्दै गएपनि सकेसम्म लकडाउन नगर्ने बताएका छन्। विगतको अनुभव, तयारी तथा पूर्वाधारलाई थप प्रभावकारी बनाइने समेत उनको दाबी छ।
आमाकाे हेरचाह नगरेकाे आराेपमा नेपाल राष्ट्र बैंककी निर्देशक सुष्मा रिजाल पुर्पक्षका लागि थुनामा पठाउन आदेश दिएकाे छ। अदालतले ज्येष्ठ नागरिक ऐन, २०६३ बमोजिमको कसूरमा थुनामा पठाउन आदेश दिएको हाे। आफ्नो तीन करोड बढी सम्पत्ति लिएर आफ्नो हेरचाह नगरेको भन्ने उनकी आमाकाे उजुरीकाे आधारमा उनी पक्राउ परेकी थिइन्।
सरकारले आजबाट स्वास्थ्यसम्बन्धी नयाँ मापदण्ड लागू गर्ने भएकाे छ। साेमबार बसेकाे मन्त्रिपरिषद्काे निर्णयअनुसार नयाँ मापदण्ड लागू हुने भएकाे हाे। त्यस्तै सरकारले काेराेना बढ्दै गएपनि तत्काल विद्यालय बन्द नगर्ने भएकाे छ। यसअघि मन्त्रालयमा बसेकाे सराेकारवालाहरूकाे बैठकले विद्यालय सञ्चालन वा बन्द गर्ने अधिकार स्थानीय तहलाई दिनुपर्ने माग राखेकाे थियाे।
गुप्तचर निकायले सरकारलाई विप्लव समूहकाे अपराधिक गतिविध जारी रहेकाे रिपार्ट बुझाएकाे छ। निकायले विप्लव समूहले सरकारसँगकाे वार्तालाई कार्यकर्ता रिहा गराउने, प्रतिबन्ध फिर्ता लिने अवसरका रूपमा लिएकाे बताएकाे छ। त्यस्तै समूह चन्दाधन्दामा सक्रिय रहेकाे समेत बताइएकाे छ। समूह थप अराजक र अपराधिक बन्दै गएकाे भन्दै सुरक्षा सतर्कता अपनाउनसमेत आग्रह गरिएकाे छ।
एमाले अध्यक्ष केपी शर्मा ओलीले नेता माधवकुमार नेपाललाई पार्टी ध्वस्त पार्न खाेजे 'ठीक पार्ने' बताएका छन्। उनले नेपाललाई आत्माआलाेचना गरेर पार्टीमा फर्किए स्वागत गर्ने समेत बताएका हुन्। त्यस्तै माओवादीलाई समर्थन फिर्ता लिन समेत प्रधानमन्त्रीले चेतावनी दिएका छन्। उता नेपाल-खनाल समूहले ओली पार्टी विघटन गर्नेतर्फ उद्दत रहेकाे निष्कर्ष निकालेका छन्।
नेपाली कांग्रेसकी सचेतक पुष्पा भुसालले प्रधानमन्त्री केपी शर्मा ओलीलाई चुच्चे नक्सा खै भन्दै प्रश्न गरेकी छन्। अहिलेको सरकारले 'राष्ट्रियता देखाउने, चुच्चे नक्सा हराउने' भन्दै उनले टिप्पणी गरेकाे हुन्। यसअघि सांसदहरूले लिम्पियाधुरा तथा लिपुलेकमा जनगणना गर्न माग गरेका थिए।
काेराेना संक्रमणकाे खतरा रहेकाे भन्दै विद्यालय बन्द गर्नेबारे सरकारले गृहकार्य थालेपछि सराेकारवालाहरूले तत्काल विद्यालय बन्द नगर्न सुझाव दिएका छन्। विद्यालय सञ्चालन वा बन्द गर्ने अधिकार स्थानीय तहलाई दिनुपर्ने उनीहरूकाे सुझाव छ। यसअघि सीसीएमसीले विद्यालय बन्द गर्न मन्त्रिपरिषदलाई सिफारिस गरेकाे थियाे। मन्त्रिपरिषदकाे बैठक आज बस्दैछ।
बेलायती राजकुमार फिलिपकाे निधन भएकाे छ। ९९ वर्षका फिलिप महारानी एलिजाबेथ द्वितीयाका श्रीमान् हुन्। उनी सन् १९६१ मा राजा महेन्द्र वीरक्रम शाहको निमन्त्रणामा नेपाल आएका थिए। त्यतिबेला उनले शिकार खेल्न राजा महेन्द्रले गरेका आग्रह नकार्न हातमा चाेट लागेकाे अभिनय गरेकाे बताइन्छ। उनी महारानीसहित नेपाल आएका थिए।
नेपाली कांग्रेसले माओवादी र जसपालाई संयुक्त सरकार बनाउन प्रस्ताव गरेकाे छ। कांग्रेसले आफ्नाे नेतृत्वमा सरकार बनाउन दुवै पार्टीलाई प्रस्ताव गरेकाे हाे। प्रस्तावमा माओवादी सकारात्मक भएपनि जसपाले परामर्शका लागि समय मागेकाे छ। उता जसपाले जेलबाट छुटाउनुपर्ने आफ्ना नेता कार्यकर्ताकाे विवरण सरकारलाई बुझाएकाे छ।
राष्ट्रपति विद्यादेवी भण्डारीले विभिन्न मानपदवी, अलङ्कार तथा पदक वितरण गरेकी छन्। राष्ट्रपति भवन शीतल निवासमा आयोजित समारोहमा पदकहरू वितरण गरिएको हो। वितरित पदकहरूमा लिम्पियाधुरा, लिपुलेक सहितको नयाँ नक्सा समावेश गरिएको छैन। गृहमन्त्रालयले पोहोर सालकै पदक भएकाले नक्सा नसमेटिएको बताएको छ।
स्वास्थ्य तथा जनसंख्या मन्त्रालयले २५ जनाभन्दा बढीको भेलामा रोक लगाउन सरकारसमक्ष आग्रह गरेको छ। भिडभाड अत्यधिक भएको भन्दै मन्त्रालयले कोरोनाको खतरा बढेको बताएको हो। त्यस्तै स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो समय लक्षणहरू अलि जटिल देखिन थालेकाले बिरामीहरूलाई अस्पताल भर्ना गर्नु परिरहेको समेत बताए।
नेपालकाे नक्सामा समेटिएकाे लिम्पियाधुरा, लिपुलेक र कालापानी क्षेत्रमा पनि जनगणना गर्न प्रतिनिधसभा बैठकमा माग उठेकाे छ। बैठकको शून्य समयमा बाेल्दै सांसद विमला विश्वकर्माले भूमि यथाशिघ्र फिर्ता ल्याई २०७८ सालको जनगणना गर्न माग गरेकी हुन्। त्यस्तै आजकाे बैठकमा सांसदहरूले निम्न विभिन्न विषयमा बहस गरेका छन्ः
प्रधानमन्त्री केपी शर्मा ओली सावधानी नअपनाए पुनः लकडाउन गर्नुपर्ने हुनसक्ने बताएका छन्। संक्रमणदर बढ्दै गए फेरि पनि मुलुक ठप्प पार्नुपर्ने अवस्था आउन सक्ने उनले बताएका हुन्। त्यस्तै उनले कोरोनाको मुख्यस्थान घाँटी भएकाले अम्बाको पातले ‘गार्गल’ गरे कोरोना सकिने बताए। खोपले मात्रै कोरोनाबाट नबचाउने भन्दै उनले सावधानी अपनाउन आग्रह गरे।
माओवादी केन्द्र परित्याग गरी एमाले प्रवेश गरेका चार सांसद पदमुक्त भएका छन्। माओवादी केन्द्रले सांसदहरूले दल परित्याग गरेको पत्र संसद सचिवालयलाई बुझाएसँगै उनीहरू पदमुक्त भएको सभामुख अग्नी सापकोटाले बताए। उनीहरू चारैजना मन्त्री छन्। पुनःनियुक्ति नपाएमा उनीहरू मन्त्रीसमेत रहने छैनन्। याेसँगै रिक्ट सांसद सिटहरूमा उपनिर्वाचनमार्फत सांसदहरू ल्याउनुपर्नेछ।
भक्तपुर जिल्लास्तरीय कोभिड १९ संकट व्यवस्थापन केन्द्रले बिस्केट जात्रामा राेक लगाएकाे भन्दै सर्वाेच्चमा परेका रिटमा आज आदेश जारी भएकाे छ। अदालतले बिस्केट जात्रामा राेक नलाउन आदेश जारी गरेकाे हाे। संकट व्यवस्थापन केन्द्रले काेराेनाकाे खतरा जारी रहेकाे भन्दै बिस्केट जात्रा नगर्न निर्देशन जारी गरेकाे थियाे।
उपप्रधानमन्त्री ईश्वर पोखरेलले निजामती प्रशासनप्रति असन्तुष्टि व्यक्त गरेका छन्। सिंहदरबारमा आयोजित नेपाल सरकारका सचिवबीच अन्तरक्रियालाई सम्बोधन गर्दै उनले कर्मचारी प्रशासन झिङ्गे टसाई सोचबाट ग्रसित भएको टिप्पणी गरेका हुन्। निजामती कर्मचारीले परिणमलाई भन्दा प्रक्रियामा ध्यान दिने गरेको समेत उनले बताए।
फोर्ब्सकाे सूचीअनुसार विश्वकै सर्वाधिक धनी व्यक्तिमा पुनः जेफ बेजोस घोषित भएका छन्। यसवर्ष उनको कूल सम्पत्ति १७७ बिलियन अमेरिकी डलर पुगेको छ। त्यस्तै सूचीको दोस्रो स्थानमा इलोन मस्क रहेका छन्। वर्ष २०२१ मा विश्वभर ४९३ नयाँ अर्बपति थपिएका छन्। यता विनोद चौधरी भने यो वर्षपनि सूचीमा तल खस्किएका छन्।
सरकारले सामान्य विरोध प्रदर्शनमा पनि अत्यधिक बल प्रयोग गर्ने गरेको प्रतिवेदन सार्वजनिक भएको छ। एम्नेस्टी इन्टरनेसनल सार्वजनिक गरेको प्रतिवेदनमा सरकारी पक्षबाट गम्भीर मानवअधिकार हनन हुने गरेको तथ्य सार्वजनिक भएकाे हाे। त्यस्तै, अभिव्यक्ति स्वतन्त्रता हनन, सामाजिक अपराधका घटनामा उल्लेख्य वृद्धि तथा लकडाउनमा श्रमिककाे संरक्षण गर्न सरकार असफल भएको बताइएको छ।
आर्थिक वर्ष २०७७/७८ मा हालसम्म १२ पटक पेट्रोलियम पदार्थको मूल्य बढेको छ। महिनामा दुईपटकसम्मले बढेको पेट्रोलियम पदार्थको मूल्य एक वर्षको अवधिमा प्रतिलिटर २४ रुपैयाँसम्म बढेको हाे। हरेक १५ दिनमा मूल्य समायोजन गर्ने आयल निगमले भने आफू अझै घाटामा रहेको बताउने गरेको छ। इन्धनकाे मूल्य अझै केही समय बढ्नेसमेत बताइएकाे छ।
एमालेका तीनजना मन्त्रीले राजीनामा दिएपछि कर्णालीमा माओवादी नेतृत्वकाे सरकार अल्पमतमा परेकाे छ। एमालेका मन्त्रीहरूले आज राजीनामा दिएका हुन्। एमाले-माओवादी समीकरण बिग्रिएसँगै एमालेले यामलाल कँडेलकाे नेतृत्वमा सरकार निर्माणकाे प्रक्रिया अघि बढाउने भएकाे छ। एमाले कर्णालीले मुख्यमन्त्री महेन्द्रबहादुर शाहीले राजीनामा दिएर मार्गप्रशस्त गर्नुपर्ने बताएकाे छ।
माओवादी केन्द्रका अध्यक्ष पुष्पकमल दाहालले आफूमाथि बम प्रहार गर्नेलाई गृहमन्त्री बनाएर गल्ती गरेकाे बताएका छन्। रुकुममा भएकाे जनसभामा बाेल्दै उनले गृहमन्त्रीलाई गद्दारसमेत भनेका छन्। त्यस्तै उनले जनयुद्धका समयमा साथ दिएका सहिद परिवार र जनताको साथ नलिनु आफ्नो कमजोरी भएको भन्दै आत्मालोचनासमेत गरेका छन्।
नेकपा माओवादी केन्द्रले एमाले प्रवेश गरेका आफ्ना चारजना सांसदलाई कारबाही गरेको छ। केन्द्रका अध्यक्ष पुष्पकमल दाहाल प्रचण्डले ऊर्जामन्त्री टोपबहादुर रायमाझी, उद्योगमन्त्री लेखराज भट्ट, शहरीमन्त्री प्रभु साह र श्रममन्त्री गौरीशंकर चौधरीलाई कारबाही गरेका हुन्। उनीहरू एमाले प्रवेश गरेका थिए। योसँगै उनीहरूको सांसद पदसमेत खारेज हुने बताइएको छ।
स्वास्थ्य तथा जनसंख्या मन्त्री हृदयेश त्रिपाठीले कोरोना बढ्दै गएको भएपनि लकडाउन गर्ने योजना नरहेको बताएका छन्। ‘नेपाल हेल्थ कनक्लेभ २०२१’ मा बोल्दै उनले कहिल्यै लकडाउन नगर्ने दाबी गरेका हुन्। सरकार त्यस्तो परिस्थिति निर्माण गर्न लागीपरेको समेत उनको दाबी थियो। त्यस्तै उनले नेपालमा तीन किसिमका खोप लगाउने अनुमति दिइएको समेत बताए।
नेपालमा पुनः काेराेना संक्रमण बढ्न थालेकाे छ। नयाँ भेरियन्टकाे काेराेना आएकाे खुलासाका बीच काेराेना बढेकाे हाे। नयाँ भेरियन्टकाे काेराेना तुलनात्मक रूपमा खतरनाक रहेकाे बताइएकाे छ। यसैबीच स्वास्थ्यमन्त्री हृदयेश त्रिपाठीले जेठ र असारसम्ममा काेराेना उच्च बिन्दुमा पुग्नसक्ने अनुमान अघि सारेका छन्।
पट्रोलियम पदार्थमा पटक–पटक भएको मूल्यवृद्धिविरुद्ध सरकार पक्षकै विद्यार्थी संगठनले आन्दोलन गरेको छ। अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु)ले मूल्यवृद्धि गरेको भन्दै आयल निगम घेराउ गरेका हुन्। निगमले पछिल्लोपटक आइतबार राती पुनः इन्धनको मूल्य बढाएको थियो। याेसँगै पेट्रोलको मूल्य प्रतिलिटर १२० र डिजेल, मट्टीतेलको मूल्य प्रतिलिटर १०३ रुपैयाँ पुगेको छ।
नेपालमा पुनः अत्यधिक मात्रा वायु प्रदूषण बढेको छ। केही दिन यता घटबढ भइरहेको प्रदुषण सोमवार पुनः अत्यधिक मात्रामा बढेको हो। आज देशैभर प्रदूषण बढेको देखिएको छ। धनगढीमा सर्वाधिक उच्च रहेको प्रदूषण चितवन, काठमाडौँ, सिमरामा अत्यधिक रहेको देखिएको छ। धनगढीमा वायु प्रदुषणको मात्रा ४२९ एक्युआईसम्म पुगेको देखिएकाे छ।
काेराेना संक्रमणकाे खतरा जारी रहेकाे भन्दै भक्तपुर जिल्लास्तरीय कोभिड १९ संकट व्यवस्थापन केन्द्रले बिस्केट जात्रामा राेक लगाइएकाे छ। केन्द्रले मापदण्ड निर्धारण गर्दै त्यसकाे उल्लंघन गर्नेलाई संक्रामक रोग ऐन २०२० बमोजिम कारबाही गर्नेसमेत निर्णय गरेकाे छ। गत वर्ष पनि कोरोना संक्रमणको कारण स्थानीय प्रशासनले बिस्केट जात्रामा रोक लगाएको थियो।
बहुप्रतिक्षित मेलम्ची खानेपानी काठमाडाैँ आइपुगेकाे छ। २०४१ सालमा चिह्नित याे आयाेजनाले साकार रूप लिन भने २०७७ साल कुर्नुपर्याे। विविध उतारचढाव बेहाेरेकाे मेलम्चीमा आयाेजनाकाे लागत पनि अनुमानित भन्दा निकै बढी आएकाे छ। आजमात्रै राष्ट्रपति विद्यादेवी भण्डारीले मेलम्ची खानेपानी वितरणको उद्घाटन गरेसँगै आयाेजना सम्पन्न भएकाे हाे। मेलम्ची आयाेजनाकाे समयरेखा, खर्च विवरणसहितः
कुख्यात सिरियल किलर चार्ल्स शाेभराज पुनः चर्चामा आएका छन्। उनी सन् १९६३-१९६७ सम्मका शृंखलाबद्ध हत्या अभियाेगमा नेपाली जेलमा जन्मकैद काटिरहेका छन्। विभिन्न कारणले चर्चामा रहीरहने शाेभराज यसपटक जेलभित्रबाटै अन्तर्वार्ता दिएकाेले चर्चामा आएका हुन्। उनले बेलायती पत्रिकाहरू 'मिरर' र 'डेलिमेल'मा आफू तीनचार हप्तामा छुट्न लागेको भन्दै अन्तर्वार्ता दिएका हुन्।
बीबीसीका पत्रकार जोन सडवर्थले चीन छोडेका छन्। झुटो समाचार लेखेको आरोप लागेपछि उनले देश छोडेको बताइएको छ। पत्रकारले भने आफूले असुरक्षाका कारण चीन छोडेको बताएका छन्। उता, चिनियाँ प्रवक्ता चुनयिङले भने पत्रकार जोनले अधिकारीहरूलाई कुनै सूचना नदिएको र औपचारिकता समेत पूरा नगरी देश छाेडेकाे बताएकी छन्।
प्रधानमन्त्री केपी शर्मा ओलीविरुद्ध अदालतमा परेको अवहेलनाको मुद्दा आज पेशीमा चढेको छ। न्यायाधीश ईश्वरप्रसाद खतिवडा र हरि फुयालको इजलासमा यो मुद्दा पेशी चढेको हो। मुद्दा अन्तिममा रहेकाले सुनुवाइ हुने सम्भावना भने कम रहेको छ। प्रतिनिधिसभा विघटनविरुद्धको मुद्दामा सुनुवाइ चलिरहेका बेला प्रधानमन्त्रीले दिएकाे भाषणले अदालतकाे अपहेलना गरेकाे भन्दै मुद्दा परेकाे हाे।
बालबालिकामा देखिने एक प्रकारको ‘न्युरो डेभलपमेन्ट डिसअर्डर’लाई अटिजम भनिन्छ। अटिजम भएका बालबालिकाहरू सामान्य बालबालिकासरह गतिबिधि देखाउन अक्षम हुन्छन् भने केही अस्वभाविक गतिविधि देखाउने गर्छन्। अटिजमको परिचय, आफ्ना बच्चामा अटिजम भएको पहिचान गर्ने उपायहरूलाई यहाँ सूचीकार गरिएका छन्।
एमाले अध्यक्ष केपी शर्मा ओलीले माधवकुमार नेपालसहित नेताहरूलाई धमाधम कारबाही गरेपछि उक्त समूहले अलग्गै अभियान थाल्ने भएको छ। उक्त समूहको आज बस्ने बैठकले कसरी अभियानलाई अगाडि लैजाने भन्नेबारे निर्णय लिनेछ। नेताहरूले ओलीसँगै बस्न नसकिने निष्कर्ष निकालेका छन्। योसँगै कतिपयले एमाले फुटनजिक पुगेको आँकलन गर्न थालेका छन्।
साधारणतया निष्काशनकर्ता कम्पनीको विवरणपत्र अध्ययन गरी कम्पनीको कार्य सम्पादन स्थिति, वित्तीय स्थिति (नेटवर्थ, नाफा नोक्सान स्थिति आदि), व्यवस्थापन पक्ष, जोखिम पक्ष जस्ता महत्वपूर्ण कुराहरूको विश्लेषण गरेर मात्र लगानी सम्बन्धी निर्णय गरिन्छ। यहाँ हामीले शेयरमा लगानी गर्दा ध्यान दिनुपर्ने कुराहरूलाई सूचीकरण गरेका छाैँ।
काेराेनाका कारण तीन महिना पर सरेकाे त्रिविकाे शैक्षिक तीन महिना पर सरेकाे छ। त्रिविले हालै मात्र तीन महिनाका लागि शैक्षिक सत्र पर सारेकाे हाे। यसका लागि वैशाखबाट स्नातकोत्तर र फागुनबाट स्नातक सुरु गर्ने निर्णय गरेको छ।
यसअघि भदौदेखि स्नातक तथा मंसिरदेखि मास्टर्सको शैक्षिकसत्र सुरु हुने गर्दथ्यो।
सर्वाेच्चकाे फैसलापछि पूर्ववत् रूपमा विभाजन भएका एमाले र माओवादी केन्द्रकाे सत्ता साझेदारीबाट माओवादीले हात झिक्न सकिरहेकाे छैन। प्रधानमन्त्रीसँग आधारभूत विषयहरूमै मतभिन्नता रहेकाे बताउने माओवादीले तत्काल 'सेफ ल्याण्डिङ'काे स्थिति नदेखेपछि सत्ता साझेदारी निरन्तर राख्ने छाँट देखाएकाे छ। खासगरी कांग्रेस र जसपाले सत्ता साझेदारीका लागि रूचि नदेखाउँदा माओवादी अनिर्णित बनेकाे हाे।
एमाले अध्यक्ष केपी शर्मा ओलीले नेताद्वय घनश्याम भुसाल र सुरेन्द्र पाण्डेलाई पार्टीबाट ६–६ महिनाका लागि निलम्बन गरेका छन्। उनीहरूलाई एकतालाई विखण्डन गर्ने, पार्टी फुटाउने, पार्टीभित्रको सहकार्य सद्भावलाई क्षतविक्षत पार्ने गरी निरन्तर अवैधानिक गुट भेला गर्ने, त्यसलाई निरन्तरता दिने स्वीकारोक्तिसहित अहंकार, आत्मकेन्द्रित कुराहरू स्पष्टीकरणमा लेखेकोले निलम्बन गरेको बताइएकाे छ।
माओवादी केन्द्रले प्रधानमन्त्री केपी शर्मा ओलीले संसदमा विश्वासकाे मत लिनुपर्ने बताएकाे छ। सर्वोच्च अदालतको फैसलापछि नेकपा विभाजित भई तत्कालीन नेकपा (एमाले) र (माओवादी केन्द्र) ब्युँतिएका कारण संविधानको व्यवस्थाअनुसार सरकारले चैत २३ गतेसम्म विश्वासको मत लिनुपर्ने मत उठेकाे हाे।
विश्व स्वास्थ्य संगठनले काेराेनाभाइरस चीनकाे प्रयाेगशालाबाट नफैलिएकाे बताएकाे छ। डब्लूएचओ प्रमुख डाक्टर टेड्रोस अधानोमले कोरोनाभाइरस प्रयोगशालाबाट उत्पत्ति भएको सम्भावना न्यून रहेकाे बताउँदै अन्तिम निष्कर्ष भने नआएकाे उल्लेख गरे। उता अमेरिका, बेलायतसहित १२ देशले संगठनकाे रिपार्टकाे आलाेचना गरेका छन्। यसअघि काेराेना भाइरस चीनले बनाएकाे भन्नेजस्ता दाबीहरू सञ्चारमाध्यममा आएका थिए।
रेशम चाैधरीलाई जेलमुक्त गराउने लगायतका माग राख्दै आन्दाेलनमा रहेकाे थरुहट संघर्ष समिति र सरकारबीच पहिलाे चरणकाे वार्ता सम्पन्न भएकाे छ। वार्ताका क्रममा सरकारले मुद्दा फिर्ताबारे अध्ययन समय माग गरेकाे छ। त्यस्तै वार्तामा थरुहट संघर्ष समितिले टीकापुर घटनालाई आपराधिक घटना नभई राजनीतिक घटनाको रुपमा हेर्न आग्रह गरेको छ।
पूर्व एमाले र माओवादी ब्यूँताउने सर्वाेच्चकाे फैसला मागेभन्दा बढी भएकाे भन्दै माओवादी केन्द्र पुनरावलाेकनमा गएकाे छ। अध्यक्ष पुष्पकमल दाहालसहितका नेताहरू मंगलबार सर्वोच्च पुगेर निवेदन दर्ता गराएका हुन्। अध्यक्ष दाहालले सर्वाेच्चले तीन वर्षकाे बच्चालाई पेटमा राखेकाे टिप्पणी गर्दै आफूहरूले पुनरावलाेकन जाने निर्णय गरेकाे बताए।
एमाले नेता माधवकुमार नेपालसहित ११ जनाले पार्टी अध्यक्ष केपी शर्मा ओलीको नेताहरूलाई निलम्बन गर्ने कदम तानाशाही भएको भन्दै नमान्ने बताएका छन्। ओलीले सत्ताको दुरुपयोग गरिहेको आरोप लाउँदै उनीहरूले कम्युनिस्ट आन्दोलन सकाउन ओली लागिपरेको समेत बताएका छन्। त्यस्तै उनीहरूले निलम्बन विभाजनतिर जाने बाटाे भएकाे निष्कर्षसमेत निकालेका छन्।
नेपालले त्रिदेशीय फुटबल कपकाे उपाधि चुमेकाे छ। काठमाडौँमा जारी थ्री नेसन्स कपको उपाधी नेपालले हात पारेकाे हाे। हिलो हापमा २–० ले अग्रता बनाएको नेपालले दोस्रो हाफमा भने १ गोल खाँदै २–१ को नजितासँगै जित हात पारेको हो। नेपालले ३७ वर्षपछि आफ्नै मैदानमा यसखालको उपाधि उचालेको हो।
एमाले अध्यक्ष केपी शर्मा ओलीले नेताहरू माधव कुमार नेपाल र भीम रावललाई निलम्बित गरेका छन्। उनले नेताद्वयलाई पार्टी सदस्यबाट ६ महिनाका लागि निलम्बन गरेका हुन्। उनीहरूलाई गुटगत भेला गरेकाे, अनावश्यक टिप्पणी, कार्यव्यवहार गरेकाे, सरकार तथा पार्टीकाे बदनामी गरेकाे आराेप छ। यसअघि उनीहरूसँगै घनश्याम भुसाल र सुरेन्द्र पाण्डेलाई स्पष्टीकरण साेधिएकाे थियाे।
सैनिक शासन ब्यहोरीरहेको म्यानमारमा हिंसा बढ्दै गएको छ। सैन्य दमनमा परी अहिलेसम्म सयौँ जना सर्वसाधरणको मृत्यु भएको छ। सेनाले अन्तिम संस्कार गरिरहेका व्यक्तिहरूमाथि समेत गोली चलाएको छ। घटनासँगै हजारौँ मानिसहरू देश छोड्न थालेका छन्। उता सैनिकहरू भने रातभर पार्टीमा रमाएका खबरहरू बाहिरिएका छन्।
राज्यविरुद्धको संगठित अपराध मुद्दामा सीके राउतलाई जिल्ला अदालत नवलपरासीले ३५ दिनभित्र अदालतमा उपस्थित हुन आदेश जारी गरेकाे छ। डा. राउतलाई पक्राउ पूर्जी जारी गरिएकोमा घरद्वारा पत्ता नलागेको भन्दै जिल्ला अदालत नवलपरासीले बकाटोको म्यादबाहेक ३५ दिनभित्र अदालतमा हाजिर हुन सूचना जारी गरेको हो।
एमाले अध्यक्ष केपी शर्मा ओलीले वरिष्ठ नेता माधव कुमार नेपाल लगायत नेताहरूलाई साेधिएकाे स्पष्टीकरण चित्तबुझ्दाे नभएकाे बताएका छन्। बालुवाटारमा बसेकाे एमाले संसदीय दलकाे बैठकमा उनले स्पष्टीकरणा कारबाहीयाेग्य भएकाे बताउँदै उनले यसअघि पार्टीले गरेकाे निर्णयहरू फिर्ता नहुने बताएका हुन्। बैठकमा ओलीले बाेल्दा घनश्याम भुसालले राेक्न खाेजेका थिए।
काठमाडाैँ पुनः एकपटक विश्वका सर्वाधिक प्रदुषण हुने सहरहरूमध्ये पहिलाे नम्बरमा परेकाे छ। वायु गुणस्तर मापन केन्द्रले प्रदुषणले जाेखिमकाे तह नाघेकाे बताएकाे छ। यता स्वास्थ्य मन्त्रालयले वायु प्रदूषण निकै बढेको भन्दै सावधानी अपनाउन अपील गरेको छ। वायु गुणस्तर मापन केन्द्रले राजस्थानकाे धुलाे उडेर नेपाली आकाशमा आएकाे बताएकाे छ।
एक सर्वेक्षणअनुसार नेपालकाे राजनीति गलत दिशामा बढिरहेकाे तथ्य बाहिर आएकाे छ। त्यस्तै सर्वेक्षणमा ६० प्रतिशत उत्तरदाताले नेताहरूकाे भाषणमा विश्वास नगर्ने तथ्य खुलेकाे छ। नेताका कुरा पत्याउनेमा ६ प्रतिशत जनतामात्रै छन्। त्यस्तै ५१.७ प्रतिशत उत्तरदाताले हिन्दुराष्ट्र घोषणा गर्नुपर्ने बताएका छन् भने धर्मनिरपेक्ष नै ठिक छ भन्ने उत्तरदाता ४०.३ प्रतिशत देखिएका छन्।
भागरथी हत्याकाण्डमा पक्राउ परेका दिनेश भट्टको डिएनए भागरथी भट्टसँग मिलेको छ। प्रहरीका अनुसार अभियुक्तको डिएनए भागरथीकाे भजाइनल स्बाबसँग मिलेको हो। राष्ट्रिय विधि विज्ञान प्रयोगशालामा गरिएको परीक्षणमा अभियुक्तकाे डीएनए स्बाबसँग मिलेको बताइएको छ। यसअघि अभियुक्तले आफूलाई फसाइएको भन्दै आफन्तसँग फोनमा कुरा गरेको अडियो सार्वजनिक भएको थियो।
नेपालमा राजधानीबाहिर पहिलाेपटक सफल रूपमा कलेजाे प्रत्याराेपण गरिएकाे छ। चितवन मेडिकल कलेजले चैत ८ गते आइतबार ५४ वर्षीया धनकुमारी लामाकाे कलेजो प्रत्यारोपण गरेको हाे। यसअघि २०७३ मा नेपालमै पहिलाेपटक कलेजाे प्रत्याराेपण गरिएकाे थियाे। भक्तपुरमा रहेको मानव अंग प्रत्यारोपण केन्द्रमा डा. काेनले पहिलाेपटक कलेजाे प्रत्याराेपण गरेका थिए। प्रत्याराेपण सफल भएकाे थियाे।
नयाँ भेरियन्टकाे काेराेना भित्रिएकाे आशंकाका बीच नेपालमा संक्रमण बढेकाे छ। केही दिन यता नेपालकाे काराेना संक्रमण दर न्यून भएपनि एक्कासी बढ्न थालेकाे हाे। सरकारले संक्रमण बढ्दै गए लकडाउन गर्न सकिने बताएकाे छ। त्यस्तै संक्रमण बढ्दै जाँदा भारतले नेपाल लगायत देशमा काेराेना खाेपकाे निर्यातमा अस्थायी राेक लगाउने निर्णय गरेकाे छ।
पूर्व माओवादीहरूलाई एक ठाउँ ल्याउन माओवादी केन्द्रका नेता गाेपाल किराँतीले प्रचण्ड, बाबुराम, वैद्य र विप्लवलाई पत्र पठाएका छन्। उनले पूर्व माओवादी सबैले एक ठाउँ उभिने बेला आएकाे उल्लेख गरेका हुन्। यता प्रचण्डले साे प्रस्तावप्रति सकारात्मकता देखाएकाे मातृका यादवले जनाएका छन्। त्यस्तै प्रचण्डले माओवादी केन्द्रको नयाँ मोडालिटीबारे छलफल भइरहेकाे बताएका छन्।
काेराेनाले निरन्तर रूपमा आफ्नो स्वरूप फेरिरहेकाे छ। हालै भारतमा पुनः यसकाे नयाँ भेरियन्ट भेटिएकाे छ। ‘डबल म्युटेन्ट भेरियन्ट’ नामक काेराेनाकाे याे भेरियन्टबाट भारतमा निरन्तर संक्रमित थपिइरहेका छन्। दुईवटा म्युटेशन भएको याे भाइरस रोग प्रतिरोधात्मक शक्तिलाई छल्न सक्ने क्षमता राख्दछ। विज्ञहरूकाअनुसार याे बढी संक्रामक छ। यद्यपि यसबारे थप अध्ययन भइरहेकाे छ।
प्रधानमन्त्री केपी शर्मा ओलीले स्थानीय सरकारसँग खर्च गर्नसक्ने क्षमता नभएकाे बताएका छन्। नगरपालिका संघको २८ औँ वार्षिकोत्सवलाई सम्बाेधन गर्दै प्रधानमन्त्रीले स्थानीय सरकारले केन्द्र सरकारजस्ताे सबै काम गर्न नहुने बताएका हुन्। धेरै स्थानीय तहसँग खर्च गर्ने क्षमता नभएकाे बताउँदै उनले ७० प्रतिशत बजेट स्थानीय तहलाई दिन नसकिने बताए।
भारतमा कोरोना संक्रमण बढेसँगै नेपालमा पनि नयाँ भेरियन्टको कोरोना संक्रमण फैलिएको आँकलन गर्न थालिएको छ। नेपालमा कोरोना संक्रमितको संख्या उकालो लागेसँगै यस्तो आँकलन हुन थालेको हो। त्यस्तै स्वास्थ्य मन्त्रालयले कोरोना संक्रमण उच्च भएमा लकडाउन हुनसक्ने बताएको छ। यद्यपि सरकार तत्काल लकडाउन गर्ने मुडमा नरहेको बताएको छ।
सिंहदरबारबाट नजिक पर्ने भन्दै नेकपा एमालेको पार्टी कार्यालय थापाथली सर्ने भएको छ। कार्यालय थापाथलीस्थित एक व्यापारीको घरमा सर्ने भएकाे हो। कार्यालय सर्ने भएसँगै प्रधानमन्त्री केपी शर्मा ओलीले घरकाे निरीक्षण गरेका छन्। घरभाडा कति भन्ने बारे एमालेले नखुलाए पनि स्वैच्छिक रहने घरधनीले बताएका छन्।
लामाे समयदेखि संसदमा सांसदहरू बाेल्न पाएका छन्। तर, उनीहरूले प्रधानमन्त्री केपी शर्मा ओलीले संसदलाई काम नदिएको भन्दै आक्रोश पाेखेका छन्। सांसदहरूले संसदलाई विधेयक नदिएर सरकारले बदला लिइरहेको टिप्पणी गरेका हुन्। त्यस्तै, संसदमा बिजनेश सुचारू हुन नसकेपछि संसद सञ्चालनमा सरकार अनिच्छुक रहेकाे आराेप समेत लाग्न थालेकाे छ।
प्रधानमन्त्री केपी शर्मा ओलीले जसपासँग सत्ता सहकार्यकाे कोसिस गरेका छन्। उनले जसपालाई आफू सबै मागप्रति सकारात्मक रहेको बताउँदै आफूलाई समर्थन गर्न आग्रह गरेका हुन्। जसपा कार्यदलसँग भेट गर्दै उनले संसद्मा आफूलाई समर्थन गर्न भनेको जसपा नेताहरूले उल्लेख गरे। त्यस्तै नेता सुवास नेम्वाङले पनि जसपासँगको वार्ता सकारात्मक रहेकाे बताएका छन्।
एमालेभित्र बढ्दै गएको विवादका बीच नेता माधव कुमार नेपालले अध्यक्ष केपी शर्मा ओलीले पार्टी छोडेर गए हुने बताएका छन्। एमाले आफूहररूको भएको बताउँदै उनले जबज र ओलीको भेट कहिले भएको थियो भन्दै प्रश्नसमेत गरेका छन्। स्पष्टीकरणले आफूहरू नतर्सेको बताउँदै नेता नेपालले ओलीमा कम्युनिस्टको संस्कार नभएको आरोप लगाएका छन्।
कसुर विना नै ४० वर्ष भारतमा जेल परेका दुर्गाप्रसाद तिम्सिनालाई क्षतिपूर्ति दिन कोलकाता उच्च अदालतले पश्चिम बंगाल सरकारका नाममा आदेश जारी गरेकाे छ। यता आइतवार घर आइपुगेका दुर्गाप्रसादले आफ्नाे जेल जीवनका किस्साहरू सुनाएका छन्। सार्वजनिक भिडियाेमा उनकाे शारीरिक, मानसिक अवस्था निकै नाजुक देखिएकाे छ।
प्रधानमन्त्री केपी शर्मा ओलीलाई भेट्न नेत्रविक्रम चन्द ‘विप्लव’ सोमबार वालुवाटार पुगेका छन्। विद्राहबाट शान्ति प्रक्रियामा आएसँगै सरकारले सम्झौताअनुसार आफ्ना कार्यकर्ता रिहा नगरेको भन्दै त्यसबारे प्रधानमन्त्रीसँग कुरा गर्न उनी बालुवाटार पुगेका हुन्। भेटका क्रममा प्रधानमन्त्री ओलीले बन्दी रिहा र मुद्दा फिर्ताको प्रक्रियामै रहेकाले केहीदिन पर्खिन आग्रह गरेका थिए।
रुण तेस्रोको निर्माणकर्ता भारतीय कम्पनी सतलुज जलविद्युत् निगमले अरुण तेस्राबाट उत्पादित बिजुली बेच्ने भएको छ। उसले प्रतिस्पर्धाका आधारमा बंगलादेश, भारत र नेपालका कम्पनीलाई बिजुली बेच्न लागेको हो। सन् २०११ मा १ खर्ब ४ अर्ब लागत अनुगमान गरिएको छ। आयोजना २०२२ मा सम्पन्न गर्ने लक्ष्य राखिएको छ।
भारतमा ४० वर्षसम्म जेल परेकाे इलामका दुर्गाप्रसाद तिम्सिना आइतवार स्वदेश फर्किएका छन्। इलाम घर भएका तिमिल्सिना सन् १९८० मा दार्जिलिङमा पक्राउ परेका थिए। भारत पश्चिम बंगालको दमदम करेक्सनल सेन्टरमा रहेका उनी कोलकाता उच्च अदालतको आदेशबमोजिम छुटेका हुन्। शारीरिक र मानसिक रूपमा कमजोर उनी आइतबार नेपाल आइपुगेका छन्।
राष्ट्रपति विद्यादेवी भण्डारी बंगलादेशकाे भ्रमणका लागि त्यसतर्फ प्रस्थान गरेकी छन्। नेपाल एयरलाइन्सको उडान नम्बर आर ए ००१ मार्फत सोमबार बिहान ८ : ४० बजे त्रिभुवन अन्तर्राष्ट्रिय विमानस्थलबाट उनी त्यसतर्फ प्रस्थान गरेकी हुन्। भ्रमणमा पर्यटन, संस्कृति आदानप्रदान, स्यानेटरी र फाइटो स्यानेटरी तथा रोहनपुरदेखि सिंहबादसम्म ‘ट्रान्जिट रुट’का रूपमा प्रयोग लगायत सम्झाैता हुनेछन्।
प्रधानमन्त्री केपी शर्मा ओलीले सरकारले अभूतपूर्व काम गरेकाे बताएका छन्। बालुवाटारमा आयोजित उद्योगी व्यवसायीसँगको छलफलमा उनले छोटो समयमै पूर्वाधार तथा विकासमा धेरै काम भएकाे बताएका हुन्। कार्यक्रममा उद्योग वाणिज्य महासंघका पूर्व उपाध्यक्ष सहित २३५ उद्योगपति एमालेमा प्रवेश गरेका छन्। त्यस्तै उनले नेपाल छिट्टै आधुनिकतातर्फ जाने समेत बताए।
इन्धनकाे मूल्य बढेसँगै हवाई भाडा पनि बढेकाे छ। वायुसेवा सञ्चालक संघले बढेको इन्धनको मूल्यअनुसार भाडा वृद्धि गरेकाे हाे। निगमले चैत ३ गते राति १२ बजेदेखि लागू हुनेगरी हवाई इन्धनमा प्रतिलिटर दुई रुपैयाँ बढाएसँगै हवाई भाडा पनि बढेकाे हाे। इन्धनकाे मूल्य बढेसँगै हवाई भाडा ९० रुपैयाँसम्म महँगाे पर्ने भएकाे छ।
सरकारका कानूनी सल्लाहकार तथा महान्यायाधिवक्ता अग्निप्रसाद खरेलले राजीनामा दिएका छन्। शुक्रवार पत्रकार सम्मेलन गर्दै उनले आफूले सरकारी वकिललाई चिनिने अवस्थामा पुर्याएकाे बताउँदै राजीनामा दिएका हुन्। उनले प्रधानमन्त्रीसँगकाे मनमुटावका कारण राजीनामा दिएकाे बताइएकाे छ। त्यस्तै प्रधानमन्त्रीले नयाँ महान्यायाधिवक्तामा रमेश बडालकाे नाम सिफारिस गरेका छन्। उनलाई राष्ट्रपतिले आजै नियुक्त गरेकी छन्।
सरकारले नेपालमै मल कारखाना खाेल्न अध्ययन थालेकाे छ। अध्ययनअनुसार १ खर्ब ३ अर्ब लगानीमा प्राकृतिक ग्यास प्रविधिमा आधारित रासायनिक मल कारखाना चलाउन सकिने सम्भावना देखिएकाे हाे। पूँजी लगानी, लगानी फिर्ता अवधि र नाफाको दृष्टिकोणबाट प्राकृतिक ग्याँस प्रविधिमा आधारित मल कारखाना खाेल्न सकिने भनिएपनि कच्चापदार्थका लागि भने भारतकै भर पर्नुपर्ने छ।
प्रधानमन्त्री केपी शर्मा ओलीले एमालेकाे वरिष्ठ नेताहरू मााधवकुमार नेपाल र झलनाथ खनाललाई पार्टी फाेड्न सजिलाे हुनेगरी अध्यादेश ल्याउने बताएका छन्। पार्टीविरुद्ध कसैले पनि संगठित हुन नपाउने बताउँदै उनले छुट्टिने मन भए आफूसँग निवेदन हाल्न आग्रह गरे। उनले कसैले कसैलाई बधुवा बनाएर राख्न नसक्ने बताए।
शेयर मूल्यमा प्रभाव पारेकाे भन्दै निफ्रालाई नेपाल स्टक एक्सचेन्जले स्पष्टीकरण साेधेकाे छ। बैंकका सिइओ रामकृष्ण खतिवडाको एउटा बयानले शेयर बजारमा कम्पनीको मूल्य एक्कासी बढेपछि नेपाल स्टक एक्स्चेन्जले कम्पनीसँग स्पष्टीकरण माग गरेकाे हाे। सिइओले केही दिनअघि लण्डनको स्टक मार्केटमा ३० मिलियन डलरको बण्ड जारी गर्ने तयारी भएको बताएका थिए।
कर्णाली प्रदेशमा एमाललेले मुख्यमन्त्री महेन्द्रबहादुर शाहीलाई दिएकाे समर्थन फिर्ता लिएकाे छ। एमाले संसदीय दलको बैठकले नेकपा (माओवादी केन्द्र) संसदीय दलका नेता शाहीलाई दिएको समर्थन फिर्ता लिएको हो। समथर्न फिर्ता लिएपछि शाही नेतृत्वको सरकार संकटमा परेको छ। उता एमालेकाे नेपाल समूहले भने समर्थन जारी रहेकाे बताएकाे छ।
एमालेका वरिष्ठ नेता माधवकुमार नेपालले पार्टी र देशभित्र भइरहेकाे सबै वितण्डाकाे जिम्मेवार अध्यक्ष केपी शर्मा ओली भएकाे जिकिर गरेका छन्। सानेपामा आयोजित नेपाल पक्षीय भेलालाई सम्बोधन गर्दै उनीलगायत नेताहरूले प्रधानमन्त्री ओली भ्रष्टाचारमा लिप्त भएकाे, पार्टी फाेड्न तम्सिएकाे लगायत आरोप लगाएका छन्। भेलाबाट पुराना वामपन्थी नेताहरू नेपाल समूहमा खुलेका छन्।
नेपाल आयल निगमले एक महिनाकाे सेराेफेराेमा इन्धनकाे मूल्य दुईपटक बढाएकाे छ। पछिल्लाेपटक मंगलबार निगमले पुनः इन्धनकाे मूल्य बढाएकाे छ। मूल्यवृद्धि पछिपनि निगमलाई पेट्रोलमा प्रतिलिटर ९ रुपैयाँ, डिजेल पाँच रुपैयाँ तथा एलपी ग्याासमा प्रतिसिलिण्डर ३९२ रुपैयाँ घाटा भइरहेको छ। जसले निगमलाई पाक्षिक एक अर्ब २७ करोड ७० लाख घाटा भइरहेकाे छ।
आर्थिक वर्षको सात महिनामा नेपालकाे चालु खाता १ खर्ब १ अर्ब ९० करोडले घाटामा रहेको देखिएकाे छ। विदेशी मुद्राको सञ्चितमा भने सुधार भएकाे देखिएकाे छ। यस अवधिमा ३८ प्रतिशत मात्रै बजेट खर्च भएकाे छ। त्यस्तै ब्याजदर घटेकाे छ भने ऋण प्रवाह बढेकाे छ। उता व्यापार घाटा झनै बढेकाे देखिन्छ।
नेपाल आयल निगमले इन्धनकाे मूल्य पुनः बढाएकाे छ। निगमले इन्धनको मूल्य प्रतिलिटर २/२ रुपैयाँ बढाएकाे हाे। मंगलबार राति १२ बजेदेखि लागू हुने गरी डिजेल र पेट्राेलकाे मूल्य बढेकाे हाे। नयाँ मूल्यअनुसार पेट्रोल ११८, डिजेल र मट्टीतेल १०१ रुपैयाँ प्रतिलिटर पुगेकाे छ। नेपाली बजारमा इन्धनकाे मूल्य निरन्तर बढिरहेकाे छ।
प्रधानमन्त्री केपी शर्मा ओलीले राष्ट्रपति निवासमा आयाेजित सर्वदलीय बैठकमा संसद नचले फेरि पनि विघटन हुने बताएका छन्। उनले ताजा जनादेश नै अहिलेकाे आवश्यकता भएकाे समेत बताए। राजनीतिक सरगर्मीका बीच राष्ट्रपतिले सर्वदलीय बैठक डाँकेकी हुन्। कार्यक्रममा राष्ट्रपतिले संवैधानिक व्यवस्थाअनुसार नै यसअघि संसद विघटन गरेकाे स्पष्टाेक्ति गरेकी छन्।
नेकपा एमालेका अध्यक्ष केपी शर्मा ओलीले पार्टीको नेपाल पक्षले भाँडभैलो गरेको बताएका छन्। उनले आफूले आयोजना गरेको चियापानमा नआएका पार्टी नेताहरूले अर्कै भेलाकाे तयारी गरेर तमासा देखाएकाे टिप्पणाीसमेत गरे। गुटगत भेला गरे कारवाही गर्ने बताउँदै उनले आफूले त्यतातिर नजर राखेको बताए। यता नेपाल समूहले भने ओलीलाई कार्यक्रमको निम्तो दिएको छ।
एमाले अध्यक्ष केपी शर्मा ओलीले बालुबाटारमा आयोजना गरेको चियापानमा ओली समूहका नेताहरू मात्रै उपस्थित भएका छन्। कार्यक्रम वरिष्ठ नेता माधवकुमार नेपाल र वामदेव गौतम समूहले बहिष्कार गरेका हुन्। प्रधानमन्त्री निवास बालुवाटारमा मंगलबार आयोजना गरिएको चियापानमा सांसद र केन्द्रीय सदस्यलगायतका नेतालाई बोलाइएको थियो।
भारतले सीमा नदी महाकालीको बहाव परिवर्तन गरेर दार्चुला सदरमुकाम पारिपट्टि एकतर्फी रूपमा तटबन्ध बनाइरहेकाे छ। नेपालले यसअघि नै भारतीय प्रशासनलाई पत्राचार गरी एकतर्फी तटबन्दी राेक्न भनेकाे थियाे। ०७० साल असार २ गते महाकाली नदीमा आएकाे बाढीले कटान गरेकाे महाकाली नदीमा एकतर्फी रूपमा तटबन्ध हुन थालेसँगै स्थानीय त्रसित बनेका छन्।
सिराहा लाहानस्थित मालपाेत कार्यालयमा आइतबार भएकाे बमविस्फाेटमा संलग्न रहेकाे आराेप एकजना पक्राउ परेका छन्। विस्फाेटमा संलग्न रहेको आशंकामा बलराम मण्डल पक्राउ परेका हुन्। घटनामा परी ८ जना घाइते भएका थिए। घाइतेहरूलाई काठमाडाैँ ल्याइएकाे छ। विस्फाेटस्थलबाट गाेइत समूहकाे पर्चा भेटिएकाे थियाे। विस्फाेटपछि मालपाेत कार्यालयकाे दैनिक काम कारबाही ठप्प भएकाे छ।
नेकपा माओवादी केन्द्र नेपाल कम्युनिष्ट पार्टीलाई विभाजित गर्ने गरी आएकाे सर्वोच्च अदालतको फैसलामाथि छिट्टै पुनरावलोकनमा जाने भएकाे छ। केन्द्रकाे केन्द्रीय बैठकले नयाँ राजनीतिक परिदृश्यका लागि संवाद अगाडि बढाउने समेत बताएकाे छ। यसअघि सर्वाेच्चले पूर्व एमाले र माओवादीकाे एकता अवैधानिक ठहर्याउँदै पूर्ववत् अवस्थामा फर्काइदिएकाे थियाे। यसअघि केन्द्रले पुनरावलाेकनमा नजाने बताएकाे थियाे।
इलामका दीपक जोशी तिमिल्सिना सुनुवाई विना ४० वर्षदेखि भारतको एउटा जेलमा बन्दी बनेका छन्। सन् १९८० मा दार्जिलिङबाट पक्राउ परेका जाेशीमाथि अहिलेसम्म कुनै सुनुवाई भएको थिएन। कोलकातास्थित दमदम केन्द्रीय कारागारमा बन्दी बनाइएका उनी सोमबार छुट्ने भनिए पनि नछुेटेकाे जनाइएको छ। त्यहाँकाे अदालतले उनीमाथि अन्याय भएकाे स्वीकार गरेकाे छ।
एमाले नेताहरूको पुनर्मिलनः नेपाल र ओली समूहबीच छलफल भएको छ। पार्टीभित्र विवाद बढ्दै गएको बेला दुई पक्ष बीच छलफल भएको हो। बैठकमा नेपाल समूहले यसअघि २८ गतेको निर्णय नमान्ने बताएको छ। बैठक सौहार्दपूर्ण भए पनि निष्कर्ष पुग्न नसकेको उल्लेख छ।
प्रहरीले साढे दुई किलो युरेनियमसहित काठमाडौँबाट चार जनालाई पक्राउ गरेको छ। अमेरिकाको उर्जा मन्त्रालयको वेबसाइट अनुसार १० ग्राम शुद्ध युरेनियम २३५ को मूल्य २० लाख ९ हजार अमेरिकी डलर (करिव १८ करोड रुपैयाँ) पर्छ। यसअनुसार एक किलो यूरेनियमको मुल्य २० करोड ९ लाख अमेरिकी डलर अर्थात १८ अर्ब रुपैयाँ छ।
बृहत् नागरिक आन्दोलन, भाषिक अधिकार संघर्ष समिति, आदिवासी जनजाती महासंघ लगायतले मुलुकभर बाेलिने सबै भाषालाई सरकारी कामकाजकाे भाषाकाे मान्यता दिन माग गर्दै मार्चपास गरेका छन्। बालाजु क्षेत्रमा भइरहेको सडक विस्तारको विरोधका क्रममा पक्राउ परेकाहरूले मातृभाषा प्रयोग गरेको भन्दै प्रहरीले कुटपिट गरेपछि सबै मातृभाषालाई सरकारी कामकाजको भाषा बनाउनुपर्ने माग उठेकाे हाे।
प्रमुख प्रतिपक्षी नेपाली कांग्रेस र जसपाबीच भेटवार्ता भएकाे छ। भेटका क्रममा नयाँ सरकार निर्माणका लागि कांग्रेस, जसपा र माओवादीबीच सहकार्य गर्नुपर्ने बारेमा छलफल भएकाे छ। जसपाले तीन दल मिलेर केपी ओली नेतृत्व सरकारको विकल्प दिनुपर्ने प्रस्ताव कांग्रेससमक्ष राखेको हाे। यसअघि जसपा नेताहरूले प्रधानमन्त्री ओलीसँग भेट गरेका थिए।
नेकपा माओवादी केन्द्रका अध्यक्ष पुष्पकमल दाहालले ओलीतिर लागेका केन्द्रका नेताहरूलाई फर्काउन जाेड नगर्ने बताएका छन्। विगतमा बिग्रिएका, भत्किएकाहरुलाई फकाउँदा हुन्छ कि भन्नु आफ्नो गल्ती भएको भन्दै उनले छिट्टै एमाले फुट्ने बताएका छन्। त्यस्तै उनले जरूरी पर्यो भने आन्दोलनको आँधीबेहरी सिर्जना गर्नुपर्ने स्थिति आउन सक्ने समेत बताएका छन्।
नेकपा एमालेका अध्यक्ष केपी शर्मा ओलीले महासचिवबाहेकका सबै पदाधिकारीको पद खोसेका छन्। त्यस्तै उनले माओवादी केन्द्रबाट आएका रामबहादुर थापालाई वाग्मती प्रदेशको इन्चार्ज तोकेका छन् भने पार्टी प्रवक्तामा प्रदीप ज्ञवालीलाई तोकिएको छ। ओलीको यो निर्णयपछि नेपाल–खनाल समूहले स्थायी कमिटीको निर्णय बोलाएका छन्। ओली पक्षले भने यसलाई महाधिवेशन आयोजक कमिटी भनेकाे छ।
नेपाली सेनाले सैनिक मञ्च टुँडिखेलमा सेना दिवस मनाएको छ। महाशिवरात्रि तथा सेना दिवसको अवसरमा विभिन्न सैन्य कौशल प्रदर्शन गर्दै सेनाले दिवस मनाएको हो। कार्यक्रममा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री केपी शर्मा ओली, सभामुख अग्निप्रसाद सापकोटा, प्रधानन्यायाधीश चोलेन्द्रशम्शेर जबरा, नेपाल सरकारका मन्त्रीहरूलगायतका अन्य विशिष्ट व्यक्तिहरूकाे सहभागिता रहेकाे थियाे।
उपप्रधानमन्त्री एमाले महासचिव ईश्वर पोखरेलले एमाले र माओवादी केन्द्रबीच नयाँ ढंगले पुन: एकता हुने बताएका छन्। सर्वोच्च अदालतको फैसलाबाट उत्पन्न भएको वर्तमान राजनीतिक अवस्थाको सामना गर्दै एमाले र माओवादी केन्द्रका जिल्लादेखि केन्द्रसम्ममा नयाँ ढङ्गले पुनःएकता हुने उनकाे दाबी छ। त्यस्तै उनले देश ढिलाेचाँडाे चुनावमा जाने समेत बताए। पुनःस्थापनापछि संसद् स्वाभाविक नियम प्रक्रियाअनुसार चल्न नसके मुलुक ताजा जनादेशमा जाने उनले बताएका हुन्।
एमालेको माधव नेपाल समूहले वामपन्थी गठबन्धनकै नेतृत्वमा सरकार चल्नुपर्ने निष्कर्ष निकालेकाे छ। सकेसम्म पुनः पार्टी एकताकाे सम्भावना खाेज्नुपर्ने मत उनीहरूकाे छ। एमालेकै सरकार राख्न सक्दाे प्रयास गर्ने बताउँदै उनीहरूले नयाँ परिस्थितिमा तत्काल माओवादी केन्द्रसँग पार्टी एकता सम्भव नभए पनि सत्ता सञ्चालनका लागि गठबन्धन जारी राख्न सकिने निष्कर्ष उनीहरूकाे छ। त्यस्तै पार्टीभित्र ओली समूहले पेलेर लैजान खाेजे संघर्ष गर्ने रणनीति समेत याे समूहकाे रहेकाे छ।
प्रत्येक वर्ष फाल्गुन कृष्ण चतुर्दशीकाे मध्यरातमा पर्ने महाशिवरात्रि पर्व भगवान् शिवलाई खुसी पार्ने विशेष दिनको रूपमा मनाइन्छ। यस दिन देशभरका शिव शक्तिपीठहरूमा भक्तजनहरूकाे घुइँचाे लाग्ने गर्दछ। शिव भगवानकाे आराधाना गरी मनाइने याे पर्वमा मूलतः पशुपतिनाथ मन्दिरमा विशेष पूजाअर्चना सहित मेला लाग्ने गर्दछ। यस वर्ष पनि परम्परागत रूपमै भारतबाट साधुहरू पशुपति क्षेत्रमा आएका छन् भने पर्वकै लागि पशुपति क्षेत्र सजाइएको छ।
सत्ता समीकरणका लागि सत्तारूढ एमाले र माओवादी केन्द्रले जनता समाजवादी पार्टीलाई तानातान गरिरहेका छन्। सर्वाेच्च अदालतले नेकपाकाे एकीकरणलाई अवैधानिक ठहराएसँगै अबकाे नयाँ सत्ता समीकरणकाे निर्णायकका रूपमा जसपा अगाडि देखिएकाे हाे। माओवादी केन्द्रले सरकारलाई दिएकाे समर्थन फिर्ता लिएमा एमाले जसपासँग मिलेर सरकारलाई निरन्तरता दिने रणनीतिमा देखिएकाे छ भने माओवादी भने कांग्रेस र जसपासँग मिलेर सरकार बनाउने रणनीतिमा देखिएकाे छ। उता जसपामा पनि कसलाई समर्थन गर्ने भन्नेमा दुई धारमा विभक्त भएकाे छ।
हिन्दुहरूकाे महान पर्व महाशिवरात्रिकाे पूर्वसन्ध्यामा पशुपति क्षेत्र झकिझकाउ देखिएकाे छ। प्रत्येक वर्ष फाल्गुन कृष्ण चतुर्दशीको रातलाई शिवरात्रि भनी श्री शिवको ज्योतिर्लिङ्ग उत्पन्न भएको रातको रूपमा हिन्दुहरूले मनाउने गर्दछन्। यस रातलाई उनीहरू मानवआत्माले मोक्ष प्राप्त गरेको रातको रूपमा समेत लिने गर्छन्।
नेकपा (एमाले)का वरिष्ठ नेताहरू माधवकुमार नेपाल र झलनाथ खनालले सकेसम्म केपी शर्मा ओलीको सरकार जाेगाउनुपर्ने बताएका छन्। सम्भव भएसम्म अहिलेको सरकार जोगाउनुपर्ने उनीहरूले निष्कर्ष निकालेका हुन्। त्यस्तै उनीहरूले एमालेलाई एकताबद्ध लैजाने काम प्रधानमन्त्री ओलीकै भएकाे बताएका छन्।
पुनःस्थापनापछिको दोस्रो संसद आज बस्ने भएको छ। आजको संसद बैठकमा विभिन्न अध्यादेशहरू पेश हुने कार्यक्रम रहेको छ। त्यस्तै सर्वोच्चको फैसलासँगै छुट्टिएका साबिकका नेकपा (एमाले) तथा नेकपा (माओवादी केन्द्र)का सांसदहरू आजको संसद बैठकबाट छुट्टाछुट्टै बस्ने भएका छन्। संसद सचिवालयले नेकपा (एमाले) र नेकपा (माओवादी केन्द्र) का सांसदहरूलाई संसद बैठक कक्षमा छुट्टाछुट्टै लहरमा बस्ने व्यवस्था मिलाउने भएको हो।
नेकपा खारेज गर्ने सर्वाेच्च र निर्वाचन आयाेगकाे निर्णयसँगै सत्ता समीकरण फेरिएकाे छ। पुनर्जीवित माओवादीले सरकार बनाउनका लागि नयाँ समीकरणकाे खाेजी गर्न थालेकाे छ। माओवादीले जसपा र कांग्रेससँग मिलेर सरकार बनाउने कसरत थालेकाे छ। यसअघि नेकपा माओवादी केन्द्रको स्थायी समिति बैठकले प्रमुख प्रतिपक्ष दल नेपाली कांग्रेस र जनता समाजवादी पार्टीसँग छलफल अघि बढाउने निर्णय गरेको थियो। उता जसपाले समीकरणका लागि नयाँ कार्यदल बनाउने भएकाे छ। त्यस्तै कांग्रेसले प्रधानमन्त्री ओलीलाई हटाउने उपयुक्त अवसरका रूपमा हेरेकाे छ।
सर्वोच्च अदालतको फैसलासँगै पूर्ववत् एमाले र माओवादी केन्द्रका रूपमा फर्किएको नेकपालाई निर्वाचन आयोगले पुनः एकताका लागि १५ दिनभित्र सम्पर्कमा आउन भनेको छ। आयोगको बैठकले यसअघि एकता भई बनेको पार्टी बदर भएकाले फेरि एकीकरण गर्ने भए दलको नयाँ नाम र चिह्न प्रस्ताव गरी १५ दिनभित्र निवेदन दिन एमाले र माओवादी केन्द्रलाई जानकारी गराउने निर्णय गरेको हो। यसअघि नेकपा एमाले र नेकपा माओवादी केन्द्रबीच एकता भई बनेको नयाँ पार्टीलाई निर्वाचन आयोगले २०७५ जेठ २३ गते नेपाल कम्युनिस्ट पार्टी (ने क पा) नाममा दर्ता गरेको थियो। तर, सर्वोच्च अदालतले सो पार्टी पहिल्यै अर्कैको नाममा दर्ता भइसकेकाले सोही नाम दिन नसकिने फैसला गरेको थियो। याेसँगै निर्वाचन आयोगले विधिवत् रूपमा ओली-प्रचण्ड नेतृत्वकाे नेकपा खारेज गरेकाे छ।
आफूलाई अभद्र भाषाको प्रयोग गरेको भन्दै राष्ट्रियसभा सदस्य कोमल ओलीले आफ्नै पार्टीका नेता रघुजी पन्तविरुद्ध मुद्दा हालेकी छन्। सार्वजनिक कार्यक्रममा आफ्नो इज्जतमा धक्का पुर्याउने नियतले जानीजानी गाली र बेइज्जती गरेको र त्यसको प्रचारप्रसार गरेको भन्दै उनले पन्तविरुद्ध ४ वर्ष कैद र ४० हजार रुपैयाँ जरिवानाको सजाय माग गर्दै काठमाडौं जिल्ला अदालतमा मुद्दा दायर गरेकी हुन्। यसअघि पन्तले ओलीलाई पिडुँला देखाएर सांसद बनेको भन्दै अभद्र टिप्पणी गरेका थिए।
सर्वाेच्चकाे फैसलाले पूर्वएमाले र पूर्वमाओवादी केन्द्र पूर्ववत अवस्थामा फर्किएपछि प्रमुख प्रतिपक्षी दल नेपाली कांग्रेसले यसलाई ओली हटाउने उपयुक्त माैकाकाे रूपमा ठम्याएकाे छ। कांग्रेसले केपी शर्मा ओलीलाई प्रधानमन्त्रीबाट हटाएर आफ्नै नेतृत्वमा सरकार बनाउने संकेत गरेको हाे। देउवाले आफ्नै नेतृत्वमा माओवादी केन्द्र र जनता समाजवादीलाई विश्वासमा लिएर नयाँ सरकार बनाउन गृहकार्य थालेकाे हाे। त्यस्तै कांग्रेसका कतिपय नेताहरूले जसकाे नेतृत्वमा सरकार बने पनि ‘अर्ली इलेक्सन’मा जानुपर्ने बताएका छन्।
सर्वोच्च अदालतले तत्कालीन एमाले र माओवादी केन्द्रलाई ब्यूँताएसँगै प्रदेश सरकारहरू समेत अस्थिर बन्ने भएका छन्। प्रदेश सरकारमध्ये प्रदेश १ र बागमती प्रदेशका मुख्यमन्त्री झन् बलिया देखिएका छन् भने तुलनात्मक रूपमा सुरक्षित मानिएका चार मुख्यमन्त्री जोखिममा परेका छन्।
सर्वाेच्चकाे फैसलाले वैधानिक रूपमा पूर्ववत् एमाले र माओवादी ब्यूँतिएका छन्। पार्टी ब्यूँतिएसँगै साबिककाे एमालेभित्र पुनः ओली-नेपाल टक्कर देखिन थालेकाे छ। केन्द्रीय समितिका केही सदस्य विभिन्न कारणले समितिमा छैनन्। त्याे सबै संख्या घटाउँदा एमालेमा अहिले २ सय २५ केन्द्रीय सदस्यकाे समिति रहेकाे देखिन्छ। जसमध्ये केपी शर्मा ओलीसँग १ सय २०, माधव नेपालसँग १ सय ३, वामदेव गौतमसँग २ सदस्य रहेका बताइन्छ। तर, केहीले भने नेपाल समूहमा ९० जना मात्रै केन्द्रीय सदस्य रहेकाे बताएका छन्। तीन जनाको पक्षधरता भने स्पष्ट हुन सकेको छैन।
शान्तिपूर्ण राजनीतिमा फर्किएका नेत्रविक्रम चन्द 'विप्लव'ले पुष्पकमल दाहाल 'प्रचण्ड' र डा. बाबुराम भट्टराईकाे गल्तीका कारण देश संकटमा गएकाे बताएका छन्। उनले जनयुद्ध पश्चात् प्रचण्ड र बाबुरामले गलत बाटो रोजेको र त्यसैको परिणाम अहिलेको राजनीतिक परिस्थिति उत्पन्न भएको तर्क गरेका हुन्। त्यस्तै उनले प्रधानमन्त्री ओलीसँग आफ्ना कार्यकर्ताकाे हत्या भएकाे भन्दै प्रश्न समेत साेधेका छन्।
सर्वोच्चको पछिल्लो फैसलाले नेकपा अवैधानिक भएसँगै पूर्वएमाले र पूर्वमाओवादी ब्यूँतिएका छन्। यसकाे असरस्वरूप नेकपामा रहँदा एउटा पक्षका रूपमा रहेका प्रचण्ड-नेपाल पनि आ–आफ्नो पूर्व पार्टीमा फर्किने भएका छन्। सोमबार बसेको स्थायी कमिटी बैठकले नेता माधवकुमार नेपालसहित पूर्वएमाले नेताहरू एमालेमै फर्किने र पुष्पकमल दाहाल प्रचण्डसहित माओवादी केन्द्रका नेताहरूले माओवादी केन्द्र नै ब्यूँताउने निर्णय गरेको हाे।
दल दर्ता सम्बन्धी सर्वोच्चको पछिल्लो फैसलापछि नेकपा ओली समूहले पूर्व नेकपा (एमाले) पुनःस्थापना गर्न थालेको छ। सर्वोच्चले पूर्व माओवादी केन्द्र र एमालेलाई एकता नभएकै स्थितिमा रहेको व्याख्या गरेसँगै वैधानिक रूपमै यी दुई पार्टीबीच एकता नभएको ठहर गर्दै पूर्व एमालेले विभिन्न ठाउँमा पार्टी कार्यालयहरू स्थापना गर्न थालेका छन्। त्यस्तै पूर्व एमाले समूहले केन्द्रीय पार्टी कार्यालयकाे बाेर्ड फेर्ने तयारी समेत गरेकाे छ। उता प्रधानमन्त्री ओलीले हिजै आफूले पूर्व एमालेको बैठक डाक्ने बताएका थिए।
आफूलाई कुन पार्टीको भनेर सोध्ने आफ्नै दलका सांसद भीम रावललाई प्रधानमन्त्री केपी शर्मा ओलीले आफ्नो पार्टीबारे थाहा पाउन सर्वोच्च जान सुझाएका छन्। आइतबारको प्रतिनिधि सभा बैठकमा सांसद् रावलले सर्वोच्चको फैसलालाई सन्दर्भ लिँदै प्रधानमन्त्रीले प्रतिनिधित्व गर्ने पार्टीको नाम सोधेका थिए। प्रधानमन्त्री ओलीले रावललाई तपाईंको पार्टी कुन हो भनेर सोध्न बाध्य नपार्न समेत चेतावनी दिएका छन्। त्यस्तै प्रधानमन्त्री ओलीले पहिलाे संसद बैठक नै अवरुद्ध हुनुलाई पहिलाे गाँसमै झिँगाकाे संज्ञा दिएका छन्।
सर्वाेच्चले पूर्वमाओवादी केन्द्रसँगै एमालेलाई ब्यूँताएपछि प्रधानमन्त्री केपी शर्मा ओलीले पूर्व एमालेकाे बैठक बोलाउने बताएका छन्। आइतबार बालुवाटारमा बसेकाे संसदीय दलको बैठकमा ओलीले सर्वोच्च अदालतको फैसला अनुसार एमालेको बैठक बाेलाउने बताएका हुन्। केही दिनभित्रै एमाले दलको बैठक बसेर नयाँ राजनीतिक कोर्सबारे निर्णय लिइने समेत ओलीले बताए। त्यस्तै उनले पूर्वमाओवादीले समर्थन फिर्ता लिए विश्वासकाे मत लिने उल्लेख गरे।
तत्कालीन नेकपा एमाले र माओवादी केन्द्रबीच एकता घोषणा गर्दै बनेको नेकपा खारेज भएको छ। सर्वोच्च अदालतले नेकपा आधिकारिक रूपमा ऋषि कट्टेललाई दिएसँगै तत्कालीन एमाले र माओवादी केन्द्र ब्यूँतिएका छन्। सर्वोच्चले साविकमा निर्वाचन आयोगमा राजनीतिक दलका रूपमा दर्ता रहेका नेपाल कम्युनिस्ट पार्टी नेकपा एमाले र नेकपा माओवादी केन्द्र अलग अलग राजनीतिक दलका रूपमा साविककै अवस्थामा कायम रहने बताएको छ।
नेपालमा डिम्याट खाताको संख्या ३१ लाख पुगेको छ। पछिल्लो समय शेयर बजारमा सबैको आर्कषण बढ्दै गएको बेलामा डिम्याट खाताको संख्या बढ्दै गएको हो। यद्यपि डिम्याट बनाएर पनि कारोबार गर्नेहरूको संख्या भने निकै कम रहेको छ भने उता सयौँ जनाको नाममा एउटैले आवेदन दिने ‘डोके’ प्रवृत्ति समेत मौलाउन थालेको छ।
आइतबारदेखि संसदको सातौँ अधिवेशन सुरु हुँदैछ। अपराह्न चार बजे बस्ने गरी तय भएको बैठकमा ९ वटा सम्भावित कार्यसूची राखिएका छन्। संसद सचिवालयका अनुसार शोक प्रस्तावदेखि विभिन्न अध्यादेशहरू आजको संसद बैठकमा पेश हुनेछन्। संसद बैठकको अन्तिम कार्यसूची भने कार्यव्यवस्थापन परामर्श समितिको बैठकले टुंगो लगाउने छ।
प्रधानमन्त्री केपी शर्मा ओली आइतबार काेराेना खाेप लाउने भएका छन्। स्वास्थ्यमन्त्री हृदयेश त्रिपाठीका अनुसाार प्रधानमन्त्री केपी शर्मा ओली आइतबार बिहान १० त्रिवि शिक्षण अस्पताल गएर कोरोना खोप लगाउने भएका हुन्। सरकारले फाल्गुन २३ गतेबाट दोस्रो चरणको अभियान अन्तर्गत ६५ वर्षमाथिका वृद्धवृद्धालाई काेराेना खाेप लाउने याेजना अघि सारेकाे छ। ६ हजारभन्दा बढी खोप केन्द्रबाट दोस्रो चरणको खोप अभियान सुरू हुन लागेकाे हाे।,
नेपाली बजारमा एक सातामै सुनको मूल्य तोलामा २७ सय रुपैयाँले घटेको छ। साताकाे अन्तिम दिन शुक्रबार सुन प्रतिताेला ९ सय रुपैयाँले घटेर ८५ हजार ६ सय रुपैयाँमा काराेबार भएकाे छ। आइतबार ८८ हजार ३ सय रुपैयाँमा कारोबार भएको सुन २७ सयले घटेर शुक्रबारसम्म ८५ हजार ६ सय रुपैयाँमा आइपुगेको हो। ८ महिनापछि सुनकाे मूल्यमा भारी गिरावट आएकाे हाे।
नेकपाकाे विवाद तत्काल निरूपण गर्न नेकपाकाे प्रचण्ड–माधव समूहले निर्वाचन आयोगलाई पत्र पठाएकाे छ। कानुन, नेकपाको विधान, लोकतान्त्रिक प्रणाली र मान्यताबमोजिम तत्काल निष्पक्ष एवं न्यायसंगत निर्णय गर्नुपर्ने भन्दै नेकपा प्रचण्ड-माधव समूहले आयोगलाई पत्र पठाएकाे हाे।
नेत्रविक्रम चन्द 'विप्लव' नेतृत्वकाे विद्राेही नेकपा र सरकारबीच ३ बुँदे सहमति भएकाे छ। राष्ट्रिय सभा गृहमा आयोजित एक कार्यक्रममा सरकारी वार्ता टोलीका संयोजक तथा गृहमन्त्री रामबहादुर थापा र नेकपाका वार्ता टोलीका संयोजक तथा पार्टी प्रवक्ता खड्गबहादुर विश्वकर्माले सहमतिमा हस्ताक्षर गरेका हुन्। कार्यक्रममा प्रधानमन्त्री ओली र समूहका संयाेजक विप्लवकाे उपस्थिति रहेकाे थियाे।
नेकपाकाे प्रचण्ड-माधव समूहका नेताहरू नागरिकता, हस्ताक्षर र पार्टी परिचयपत्र लिएर निर्वाचन आयाेग पुगेका छन्। नेकपा विवादबारे कुनै निर्णय नगरिए पछि उनीहरू आयोग गएका हुन्। यो समूहले बुधबार मात्रै केन्द्रीय सदस्यहरुको तीनपानेमा हस्ताक्षर संकलन गरेको थियो।
काेराेना महामारीका कारण घटेकाे आर्थिक वृद्धिदर अहिलेसम्म पनि ऋणात्मक रहेकाे छ। आर्थिक वर्ष २०७६/७७ मा नेपालको आर्थिक वृद्धिदर नकारात्मक (ऋणात्मक) भएको थियाे भने यस वर्षकाे पहिलाे त्रैमासिक पनि -४.६ प्रतिशत रहेकाे छ। तथ्याङ्क विभागका अनुसार गत आवमा वार्षिक आर्थिक वृद्धिदर -१.९९ प्रतिशत कायम रहेकाे थियाे। यसअघि विभागले २.२७ प्रतिशतले आर्थिक वृद्धि हुने अनुमान गरेको थियो।
सरकार र विप्लव समूहबीच वार्ता सफल भएसँगै सरकारले उक्त समूहमाथि लगाएकाे प्रतिबन्ध हटाउने भएकाे छ। दुवै पक्षहरूबीच भएकाे सहमतिमा समूहका नेता कार्यकर्ता रिहाइ गर्ने तथा मुद्दा खारेज गर्ने उल्लेख छ। सहमतिसँगै विगत दुई वर्षदेखि भूमिगत रहेका नेत्रविक्रम चन्द विप्लव सार्वजनिक हुने भएका छन्। उता विभिन्न राजनीतिक दलहरूले विप्लव समूह र सरकारबीच भएकाे सहमतिकाे स्वागत गरेका छन्।
प्रतिबन्धित नेत्रविक्रम चन्द विप्लव समूह हिंसा छाेडी मूलधारकाे राजनीतिमा समाहित हुने भएकाे छ। सरकार र विप्लव समूहबीच भएकाे वार्तामा ३ बुँदे सहमति गर्दै यो समूहले हिंसा छोड्ने भएको हाे। वार्ता सफल भएसँगै भाेलि प्रधानमन्त्री केपी शर्मा ओली र समूहका संयाेजक नेत्रविक्रम चन्द एउटै मञ्चबाट सम्बाेधन गर्ने भएका छन्। वार्तापछि सरकारी वार्ता टाेलीका संयाेजक रामबहादुर थापा बादलले सहमति ऐतिहासिक भएकाे बताएका छन्।
नेकपाकाे प्रचण्ड-नेपाल समूहले ओली समूहका ७ जना नेताहरूलाई कारबाही गरेको छ। पार्टी नीति विपरीत काम गरेको भन्दै उनीहरुलाई कारबाही गरिएको बताइएको छ। कारबाहीमा पर्ने नेताहरूमा महेश बस्नेत, विशाल भट्टराई, शान्ता चौधरी, सूर्य थापा, प्रभु साह र कर्णबहादुर थापा रहेका छन्। त्यस्तै बैठकले नेकपा संसदीय दलका उपनेता सुवास नेम्वाङलाई संसदीय दलको उपनेताबाट हटाउने निर्णय समेत गरेकाे छ। बुधबार पार्टी कार्यालय पेरिसडाँडामा बसेको केन्द्रीय कमिटी बैठकले यस्तो निर्णय गरेको हो।
वन तथा वातावरण मन्त्री प्रेम आले मगरले आफूलाई एक अर्ब रुपैयाँको प्रलोभन देखाइएकाे बताएका छन्। वैज्ञानिक वन व्यवस्थापन कार्यक्रम खारेज नगर्न भनी आफूलाई एक अर्ब रुपैयाँको प्रलोभन देखाएको दाबी उनले गरेका हुन्। ११ माघमा बसेको मन्त्रिपरिषद् बैठकले वैज्ञानिक वन व्यवस्थापन कार्यक्रमलाई खारेज गरेको थियो।
प्रधानमन्त्री केपी शर्मा ओलीले आफूलाई हटाएर देखाउन चुनौती दिएका छन्। उनले आफूहरू जनताका लागि ‘कम्फर्टेबल’ भएको भन्दै कसैले हटाए अर्को चुनावमा दुई तिहाइ बहुमत ल्याउने दावी गरेका हुन्।
नेपाल धितो बोर्डले १० कित्ता शेयरको प्रावधानलाई हेरफेर गर्न गृहकार्य सुरु गरेको छ। शेयर बजारमा सबैको पहुँचलाई स्थापित गर्ने उद्देश्यले ल्याइएको १० कित्ता प्रावधानमाथि पुनरावलोकन गर्दै उक्त व्यवस्था हटाउन बोर्डले तयारी थालेको हो। १० कित्ताको प्रावधान लागू गर्दाकै बखत आवश्यकता अनुसार पुनरावलोकन गरिने स्पष्ट पारिएको थियो। अहिले सोही अनुसार पुनरावलोकनको समय आएको बोर्डले बताएको छ। नयाँ प्रवधानअनुसार न्यूनतम् ५० कित्ता राख्ने गरी छलफल भइरहेको छ।
सरकारले विप्लव समूहका नामले चिनिने नेत्र विक्रम चन्द 'विप्लव' नेतृत्वको विद्राेही समूहसँग वार्ताका लागि टाेली गठन गरेकाे छ। गृहमन्त्री रामबहादुर थापा 'बादल'काे संयाेजकत्वमा सरकारले वार्ता टाेली गठन गरेकाे हाे। सरकारले वार्ता टाेली गठन गरेसँगै विप्लव समूहले पनि वार्ता टाेली बनाएकाे छ। समूहले प्रवक्ता खड्गबहादुर विश्वकर्मा 'प्रकाण्ड'को नेतृत्वमा वार्ता टाेली बनाएकाे हाे। यसअघि प्रधानमन्त्री केपी शर्मा ओलीले विप्लव समूहसँग छिट्टै वार्ता हुने बताएका थिए।
नेपाल आयल निगमले पेट्राेलियम पदार्थकाे मूल्य पुनः बढाएकाे छ। निगमले साेमबार मध्यरातदेखि लागू हुने गरी पेट्रोलिय पदार्थको मूल्य वृद्धि गरेको हाे। नयाँ मूल्यअनुसार पेट्रोल अब प्रतिलिटर ११६ रुपैयाँ, डिजल र मट्टितेल प्रतिलिटर ९९ रुपैयाँ कायम भएको छ। फाल्गुनमै पेट्राेलियम पदार्थकाे मूल्य दाेस्राेपटक बढेकाे हाे।
नेकपाकाे प्रचण्ड-नेपाल समूहका अध्यक्ष पुष्पकमल दाहाल 'प्रचण्ड'ले निर्वाचन आयोगले आफूहरूलाई नै आधिकारिकता दिने दाबी गरेका छन्। नेकपाको वैधानिकता र चिन्ह आफूहरूले पाउने भन्दै त्यसको आधिकारिक घोषणा हुन मात्रै बाँकी रहेको उनले बताएका हुन्। निर्वाचन आयोगको सेटिङ भत्किँदै गएको भन्दै उनले आयोगले केही दिनमा नै बहुमतले गरेको निर्णयलाई मान्यता दिने बताए।
राष्ट्रपति विद्यादेवी भण्डारीले फाल्गुन २३ गतेका लागि संसद बैठक बाेलाएकी छन्। सरकारकाे सिफारिसमा संसद विघटन भएकाे भएपनि सर्वाेच्चले परमादेश जारी गर्दै विघटन खारेज गरेपछि संसद पुनः बस्न लागेकाे हाे। सर्वाेच्चले परमादेशमा १३ दिनभित्र संसद बाेलाइसक्न भनेकाे थियाे।
प्रधानमन्त्री केपी शर्मा ओलीले नेकपाको प्रचण्ड–माधव समूहलाई आफूलाई संसदीय दलबाट हटाएर देखाउन चुनौती दिएका छन्। पोखरामा आयोजित कार्यकर्ता भेलामा बोल्दै उनले आफूलाई विधिवत् रूपमै संसदीय दलबाट हटाएर देखाउन चुनौती दिएका हुन्। उनले आफू संसदीय दलको बैठक बोलाउन समेत तयार रहेको बताएका हुन्। विधिवत् रूपमा हटाए आफू प्रतिपक्षमा बस्न समेत तयार रहेको उनको भनाइ छ।
प्रधानमन्त्री केपी शर्मा ओलीले आफूमाथि हमला हुनसक्ने सम्भावना रहेको बताएका छन्। विभिन्न कार्यक्रम तथा आयोजनाहरूको उद्घाटन गर्न पोखरा पुगेका प्रधानमन्त्री ओलीले आफूमाथि चौतर्फी हमला बढेकाले शारीरिक हमला समेत हुनसक्ने दाबी गरेका हुन्। उनले आफू नरहे पनि पार्टीको भविष्य अन्धकार जान नदिन कार्यकर्ताहरूलाई अपिल गरे।
अख्तियार दुरुपयाेग अनुसन्धान आयाेगका प्रमुख आयुक्त प्रेमकुमार राईले भ्रष्टाचारीहरूले उन्मुक्ति नपाउने बताएका छन्। नागरिकको अपेक्षा र मिडियाले उठाएका विषयलाई संविधान, अख्तियार दुरुपयोग अनुसन्धान आयोगसम्बन्धी ऐन र भ्रष्ट्राचार निवारण गर्ने ऐनको दायराभित्र रहेर विधि प्रक्रिया र कानूनसम्मत ढंगले काम गर्ने प्रतिबद्धता समेत जाहेर गरे। त्यस्तै उनले आयोगको इतिहासमै भ्रष्टाचार नियन्त्रणको क्षेत्रमा प्रभावकारी र उत्कृष्ट काम गरेर जाने प्रयास गर्ने प्रमुख आयुक्त राईले बताए।
नेकपा प्रचण्ड-नेपाल समूहका अध्यक्ष पुष्पकमल दाहाल 'प्रचण्ड'ले अब प्रधानमन्त्री ओलीसँग एकताकाे सम्भावना नरहेकाे बताएका छन्। ओलीले आफूलाई ध्वस्त पार्ने याेजना अघि सारेकाे बताउँदै ओली प्रतिगमनकारी भूमिका खेल्ने व्यक्ति भएकाे उनले उल्लेख गरे।
नेपालले वन संरक्षणमार्फत् कार्बन सञ्चिति बढाएवापत ५ अर्ब रुपैयाँ पाउने भएकाे छ। वन तथा वातावरण मन्त्रालयका सचिव डा. विश्वनाथ ओली र विश्व बैंकका देशीय निर्देशक फरिस अदाद जेर्भोसबीच भएकाे सम्झाैताअनुसार नेपालले उक्त रकम पाउन लागेकाे हाे। सम्झौतानुसार नेपालले पश्चिम तराईका जिल्लाका वनबाट ९० लाख टन कार्बनडाइअक्साइड उत्सर्जन घटाउने छ।
सरकारले फाल्गुन २३ मा संसद बैठक बाेलाउने तयारी गरेकाे छ। आज साँझ बसेकाे मन्त्रिपरिषद्काे बैठकले साे मितिमा संसद बाेलाउन राष्ट्रपतिसमक्ष सिफारिस गरेकाे हाे। यसअघि प्रधानमन्त्री ओलीले पाैष ५ गते संसदले आफूलाई सहयाेग नगरेकाे भन्दै संसद नै विघटन गरेका थिए। तर, सर्वाेच्चले हालै ओलीकाे साे निर्णयलाई बदर गरिदिएकाे थियाे।
प्रधानमन्त्री केपी शर्मा ओलीले सर्वाेच्च अदालतले संसद पुनःस्थापना मात्रै गरेकाे र आफूलाई नहटाएकाे बताएका छन्। आफूनिकट सांसदहरूसँग कुरा गर्दै उनले यस्ताे बताएका हुन्। ओलीले राजीनामा आफ्नो शब्दकोशमा नरहेकोसमेत उल्लेख गरेका छन्। उनले आफूलाई हटाउन खोजे मैले प्रतिवाद गर्नु राजनीतिक धर्म भएकाे समेत बताएका थिए।
पार्टी विवाद चर्काउन भूमिका खेलेकाे आराेप लागेका नेकपा वरिष्ठ नेता वामदेव गाैतमले पार्टी एकता कायम राख्न भन्दै सक्रियता बढाएका छन्। पार्टी एकता कायम राख्न पहल गर्न भन्दै बिहीबार प्रचण्ड-माधव समूहका अध्यक्ष पुष्पकमल दाहाल प्रचण्डसँग भेटवार्ता गरेका उनले आज प्रधानमन्त्री केपी शर्मा ओलीसँग भेट गरेका हुन्। गौतमले ओलीसँग पनि पार्टी एकतालाई बल पुग्नेगरी निर्णय लिन आग्रह गरेका छन्।
रसियाका राष्ट्रपति भ्लादिमिर पुटिनका खरा आलोचक तथा भ्रष्टाचार विरोधी अभियान्ता एलेक्सी नाभाल्नीलाई मस्कोको जेलबाट अज्ञातस्थलमा सारिएको छ। उनलाई कहाँ राखिएको छ भन्नेबारे कुनै सूचना दिइएको छैन। यसअघि उनलाई विष ख्वाइएको थियोे। जसको आरोप पुटिनलाई लागेको थियोे। नाभाल्नीले रुसभरि भ्रष्टाचार विरोधी अभियानलाई तीव्र बनाएका छन्।
प्रधानमन्त्री केपी शर्मा ओलीले दलकाे बैठक नडाक्ने बताएका छन्। उनले आफैलाई हटाउने बैठक नडाक्ने ओली पक्षका नेताहरूकाे दाबी छ। नेकपाभित्रकाे विवादका कारण संसद विघटन भएसँगै काम चलाउ बनेका प्रधानमन्त्री ओली संसद पुनःस्थापना भएसँगै कार्यकारी बनेकाे र बरु परिस्थितिकाे सामना गर्दै अघि बढ्ने समेत ओली समूहकाे तयारी छ। यता नेकपाकाे प्रचण्ड-नेपाल समूहले भने ओलीलाई हटाएर जाने रणनीति लिएका छन्।
नेकपाकाे प्रचण्ड-नेपाल समूहले जसपासँग राखेकाे सत्ता सहकार्यकाे प्रस्ताव नेकपा विवाद टुंगाे नलागेसम्म निर्क्याैल नहुने देखिएकाे छ। आज भएकाे छलफलमा जसपा नेताहरूले दाहाल–नेपाल पक्षको पार्टी कुन हो स्पष्ट पार्नका लागि आग्रह गरेको पनि महतोले बताए। जसपा नेताहरूले पहिले पनि धाेका भएकाे भन्दै 'रिस्क' लिन नचाहेकाे बताए। नेकपा प्रचण्ड-नेपाल समूहले जसपासँग मिलेर जाने प्रस्ताव गरेकाे थियाे।
प्रमुख प्रतिपक्षी दल नेपाली कांग्रेसकाे पदाधिकारी बैठकले नेकपा विवाद टुंगाे नलागेसम्म भावी सरकारबारे निर्णय नलिने भएको छ। बैठकमा पदाधिकारीहरूले कांग्रेसले हतारमा निर्णय लिन नहुने बताएका हुन्। संसद् पुन:स्थापनापछि नेकपा एक भएकाे सन्दर्भमा कांग्रेसले साेचविचार गरी कदम चाल्नुपर्ने निष्कर्ष बैठककाे छ।
सर्वाेच्च अदालतले नेकपाकाे नाम सम्बन्धी विवादकाे टुंगाे फाल्गुन २० गते लाउने भएकाे छ। न्यायाधीश बमकुमार श्रेष्ठ र कुमार रेग्मीको इजलासले सुनुवाई सकेर निर्णय सुनाउने मिति फागुन २० गतेका लागि तोकेको हाे। तत्कालीन माओवादी केन्द्र र एमालेबीच एकता भएपछि हालकाे सत्तारूढ नेकपाकाे निर्माण भएकाे थियाे। निर्वाचन आयोगमा त्यसअघि नै ऋषिराम कट्टेलको नाममा नेपाल कम्युनिस्ट पार्टी दर्ता भएकाे भन्दै उनले मुद्दा दायर गरेका थिए।
विश्वव्यापी रूपमा फैलिएकाे काेराेना भाइरस (काेभिड-१९) काे खाेप लगाउनेहरूकाे संख्या ४ कराेड पुगेकाे छ। विभिन्न देशहरूमा पत्ता लागेकाे काेभिड खाेप लाउने कार्य विश्वभरि नै अहिले अभियानका रूपमा जारी छ। हालसम्म विश्वभर झण्डै ४ करोड ३६ लाखभन्दा बढी मानिसले कोरोनाविरुद्धको खोपको पूरा मात्रा लगाइसकेका छन्। खोप लगाएकाहरूमा एन्टीबडी बनेकाे समेत विज्ञहरूले बताएका छन्।
विश्वकाे दाेस्राे ठूलाे हिमाल माउन्ट केटु चढ्ने टाेलीलाई नेपाली सेनाले सम्मान गरेकाे छ। सैनिक मुख्लायमा आयोजित कार्यक्रममा प्रधानसेनापति पूर्णचन्द्र थापाले आरोही दलका सदस्यहरुलाई कदरपत्र प्रदान गरेका हुन्। टोलीले माघ ३ गते माउन्ट केटुको सफलतापूर्वक आरोहण गरेका थिए। सम्मान कार्यक्रममा नेपाली सेनाका प्रधानसेनापति पूर्णचन्द्र थापाले सामूहिक भावनाले गरे जुनसुकै काम पनि सम्भव हुने उल्लेख गरे। त्यस्तै कार्यक्रममा आराेहण दलका नेता निर्मल पूर्जा पुनमगरले नेपाली आरोही भरिया मात्र नभएकाे बताए।
सर्वाेच्च अदालतले प्रतिनिधिसभा विघटनलाई बदर गरेसँगै विभिन्न राजनीतिक दलका नेताहरूकाे मिश्रित प्रतिक्रिया आएकाे छ। नेकपाकाे प्रचण्ड-माधव समूहका नेताहरू, नेकपाकै ओली समूहका नेताहरू तथा प्रमुख प्रतिपक्षी दल नेपाली कांग्रेस लगायत पार्टीका नेताहरूले विभिन्न प्रतिक्रिया दिएका हुन्।
सर्वाेच्च अदालतले संसद पुनःस्थापनाकाे पक्षमा फैसला गरेकाे छ। मंगलबार गरिएको फैसलामा १३ दिनभित्रै संसद बैठक बोलाउन समेत सर्वाेच्चले आदेश दिएकाे छ। फैसलामा ‘संविधान मर्मविपरीत भएको हुँदा प्रतिनिधिसभा पुनःस्थापना’ गरिएकाे उल्लेख गरिएकाे छ। प्रधानन्यायाधीश चोलेन्द्रशम्शेर जबरा, न्यायाधीशहरु विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसीको संवैधानिक इजलासले संसद विघटन बदर हुने फैसला सुनाएको हो।
प्रधानमन्त्री केपी शर्मा ओली मंगलबारबाट ७० वर्ष लागेका छन्। उनले प्रधानमन्त्री निवास बालुवाटारमा आफ्ना परिवारका सीमित सदस्यहरुका साथमा आफ्नो ७० औँ जन्मदिन मनाएका हुन्।
सबै प्रक्रिया सकिएर फैसलाकाे चरणमा प्रवेश गरेकाे संसद विघटन सम्बन्धी सर्वाेच्चमा विचाराधीन मुद्दा मंगलबार हेर्दाहेर्दैमा चढेकाे छ। मुद्दाका पक्ष, विपक्ष तथा एमीकस क्युरीले बहस नाेट दिएसँगै मुद्दा फैसलाकाे चरणमा पुगेकाे हाे। कानुनविद्हरूका अनुसार सर्वाेच्चले यही साता फैसला दिनसक्ने सम्भावना रहेकाे छ।
मंगलबार बिहान मिडियाहरूमा आएकाे महान्यायाधीवक्ता अग्नि खरेलले राजीनामा दिएकाे खबर सत्य नभएकाे पुष्टि भएकाे छ। महान्यायाधीवक्ता खरेलले विज्ञप्ति जारी गर्दै आफूले राजीनामा नदिएकाे बताएका हुन्। मंगलबार बिहानै केही अनलाइनहरूमा उनले राजीनामा दिएकाे खबर आएकाे थियाे।
पशुपतिमा जलहरी लाउने सरकारकाे निर्णयविरुद्ध सर्वाेच्चमा रिट दर्ता गरिएकाे छ। रिटमा प्रधानमन्त्री कार्यालय, संस्कृति, पर्यटन तथा नागरिक उड्डयन मन्त्रालय, पशुपति क्षेत्र विकास कोष तथा कोषको सञ्चालक परिषद् र गुठी संस्थान केन्द्रीय कार्यालयलाई विपक्षी बनाइएकाे छ। रिट वाग्मती प्रदेशसभा सदस्य नरोत्तम वैद्य र अधिवक्ता निकिता ढुङ्गानाले दर्ता गरेका हुन्।
उपचारका क्रममा भारतमा रहेका पूर्वप्रधानमन्त्री बाबुराम भट्टराई अस्पताल भर्ना भएका छन्। उनी आज बिहान ९ बजे दिल्लीस्थित यकृत एवम् पित्त विज्ञान संस्थान (आईएलबीएस) अस्पतालमा भर्ना भएका हुन्। भट्टराईलाई न्युरो-इन्डोक्राइनको ट्युमर भएको आशंका गरिएकाे छ।
ठूलाे मात्रामा निष्कासन भएकाे नेपाल इन्फ्रास्टक्चर बैंककाे शेयर निरन्तर रूपमा उकालाे लागिरहेकाे छ। प्रि ओपन सेसनमा यसको पहिलो कारोबार प्रतिकित्ता ३ सय ४० रुपैयाँमा काराेबार भएकाे शेयर अझै निरन्तर रूपमा बढ्ने अनुमान गरिएकाे छ। साेमवार बैंककाे शेयर थप बढेर ६६० पुगेकाे छ।
प्रधानमन्त्री केपी शर्मा ओलीले आफूले संसद पुनःस्थापना नभए आन्दाेलन गर्छु नभनेकाे बताएका छन्। उनले संसद् पुनःस्थापना भए विकासतर्फ केन्द्रित भएको ध्यान सांसद किनबेचमा लाग्ने भनेकाे उल्लेख गरेका हुन्। त्यस्तै उनले केही वर्षभित्र पूर्वपश्चिम रेल चल्ने समेत बताएका छन्।
माघ ३० गते शुक्रबारबाट बन्द भएको ताताेपानी नाका आजदेखि पुनः सञ्चालनमा आएको छ। चिनियाँहरूकाे ल्होसार बिदा सकिएपछि नाका पुनः सञ्चालनमा आएको हाे। बन्द नाका खुलेसँगै अब व्यवसायीहरुले चाहेजति सामान तातोपानी नाकाबाट भित्र्याउन सक्ने भएका छन्।
बहुप्रतीक्षित मेलम्ची खानेपानी सुरुङको परीक्षण गरिएकाे छ। काठमाडाैँकाे खानेपानी समस्या समाधान गर्ने अपेक्षाअनुरूप लामाे समयदेखि निर्माणाधीन मेलम्ची खानेपानी याेजनाकाे २६ किलोमिटर सुरुङमा सोमबार पानी भरेर परीक्षण गरिएको हो। मुहानस्थित अस्थायी ड्यामबाट पठाएको पानी दुई सय ७० मिटर पार भएसँगै परीक्षण सफल भएकाे हाे।
प्रधानसेनापति पूर्णचन्द्र थापा र प्रधानन्यायाधीश चोलेन्द्र शमशेर जबरा बीच भेटवार्ता भएकाे छ। जबरालाई भेट्न थापा सोमबार दिउँसो थापा सर्वोच्च अदालत पुगेका हुन्। भेटका क्रममा जग्गा प्राप्ति र हस्तानान्तरणका विषयमा सामान्य छलफल भएको बताइएकाे छ।
देखिने गरी निर्वाचनकाे तयारी नगरेकाे भन्दै प्रधानमन्त्री केपी शर्मा ओली निर्वाचन आयाेगसँग रुस्ट बनेका छन्। अझैसम्म निर्वाचन कार्यक्रम प्रकाशित नभएको भन्दै उनले घोषित चुनावविरुद्ध कुनै षड्यन्त्र नगर्न चेतावनी समेत दिएका छन्। निर्वाचन गर्नुपर्ने निकायहरूले निर्वाचनको तयारी समयमा गर्नुपर्ने उनले बताए।
पूर्वराष्ट्रपति डा.रामवरण यादवले संविधान रक्षा गर्ने राष्ट्रपतिकै कारण मुलुकमा ग्रहण लागेको बताएका उल्लेख गरेका छन्। राष्ट्रपतिले बहुमत प्राप्त पार्टीका प्रधानमन्त्रीलाई पार्टीको विवाद समाधान गर्न सल्लाह दिनुपर्नेमा हतारहतार संसद विघटन गर्नु अनुचित रहेकाे उनकाे भनाइ थियाे।
प्रधानमन्त्रीका वकिलहरूले सर्वाेच्च अदालतमा बहस नाेट बुझाएका छन्। एमीकस क्युरीकाे बहस सकिएसँगै सर्वाेच्चले वादी-प्रतिवादी दुवैलाई १० गतेभित्र बहस नाेट बुझाउन भनेकाे थियाे। फैसलाबारे भने कुनै औपचारिक जानकारी बाहिरिएकाे छैन।
अदालतकाे सहयाेगीका रूपमा रहेकाे एमिकस क्युरी चयन भएकी वरिष्ठ अधिवक्ता गीता पाठकले संविधानमा हुँदै नभएकाे अधिकार प्रयाेग गरी संसद विघटन भएकाले प्रतिनिधिसभा पुनःस्थापना गर्नुपर्ने बताएकी छन्। प्रधानमन्त्री केपी शर्मा ओली प्रतिनिधिसभा विघटन गर्दा संविधानको गलत धारालाई आधार लिएको समेत उनकाे दाबी थियाे। एमीकस क्युरीकाे रायसँगै सर्वाेच्चमा जारी संसद विघटनविरुद्धकाे बहस सकिएकाे छ।
प्रदेश २ मा राजनीतिक हलचल देखिएकाे छ। संघीय सरकारले त्यहाँका बहालवाला प्रदेश प्रमुख तिलक परियारलाई हटाएकाे छ। मन्त्रिपरिषद्को सिफारिसमा राष्ट्रपतिले प्रदेश प्रमुख परियारलाई पदमुक्त गरिएको हाे। परियार पदमुक्त भएसँगै प्रदेश २ काे प्रदेश प्रमुखमा राजेश झालाई नियुक्ति गरिएकाे छ। यता परियारले भने राजनीतिक प्रतिशाेध साँध्न आफूलाई हटाएकाे बताएका छन्।
इन्धनकाे मूल्य वृद्धि भएसँगै हवाई भाडा पनि बढेकाे छ। नेपाल आयल निगमले प्रतिलिटर २ रुपैयाँको दरले हवाई इन्धनको मूल्य बढाउने निर्णय गरेपछि भाडा बढेकाे हाे। मूल्य बढाेत्तरी भएपछि काठमाडौँबाट माउन्टेन फ्लाइटमा जानेका लागि ७० रुपैयाँ बढी भाडा पर्नेछ भने काठमाडौँबाट धनगढी रुटमा ९० रुपैयाँ भाडा बढी पर्नेछ।
सर्वाेच्च अदालतमा विचाराधीन संसद विघटनविरुद्धकाे मुद्दाकाे जारी बहस सकिएकाे छ। अदालतले एमीकस क्युरीकाे राय सुनेसँगै जारी बहस सकिएकाे हाे। बहस सकिएसँगै प्रधानन्यायाधीश चोलेन्द्रशम्शेर जबराले अधिवक्ता तथा एमीकस क्युरीलाई फागुन १० गतेभित्र बहस नाेट दिन आग्रह गरेका छन्। फैसला भने हेर्दाहेर्दैमा जाने जबराले बताएका छन्।
भागरथीकाे बलात्कारपछि हत्या गरेकाे आरोपमा पक्राउ परेका दिनेश भट्टले आरोप स्वीकार गरेका छन्। जिल्ला प्रहरी कार्यालय, बैतडीका अनुसन्धान अधिकृतसामू उनले बलात्कारपछि घाँटी थिचेर हत्या गरेको स्वीकार गरेका हुन्। यसअघि उनले हत्या गरेकाे स्वीकार्दै बलात्कार भने नगरेकाे बताएका थिए।
नेपाली कांग्रेसले १४औं महाधिवेशन आगामी भदाै १ गतेदेखि १० गतेसम्म गर्ने निर्णय गरेकाे छ। कांग्रेसको केन्द्रीय कार्यसमिति बैठकले सभापति शेरबहादुर देउवाका तर्फबाट महामन्त्री पूर्णबहादुर खड्काले राखेको महाधिवेशनको कार्यतालिकासहितको प्रस्ताव सामान्य संशोधनसहित अनुमोदन गरेको हाे।
इन्डियन प्रिमियर लिग (आईपीएल) को १४ औं संस्करणका लागि सन्दीप लामिछाने कुनै पनि टिमबाट छनाैट हुन सकेनन्। ४० लाख भारु न्युनतम मूल्य राखेका सन्दीपलाई चेन्नाईमा भइरहेको अक्सनमा कुनै पनि टिमका लागि छनाैट हुन नसकेका हुन्।
स्वास्थ्य तथा जनसंख्या मन्त्री हृदयेश त्रिपाठीले नेपालमा दुई साताभित्र थप खाेप आइपुग्ने बताएका छन्। २० लाख डोज खोप खरिद प्रक्रिया पूरा भइसकेको बताउँदै उनले सहुलियत दरमै खोप आउने बताएका हुन्। यसअघि सरकारले भारतले अनुदानमा दिएकाे खाेप भित्र्याएकाे थियाे। सरकारले तीन महिनामा तीस लाख नेपालीलाई काेराेना खाेप लगाइसक्ने याेजना अघि सारेकाे छ।
सरकारले काेराेना भाइरस (काेभिड- १९) विरुद्धकाे खोप किन्न सरकारले स्वास्थ्य मन्त्रालयलाई एक अर्ब बजेट स्वीकृत गरेकाे छ। अर्थ मन्त्रालयले कोरोना खोप खरिद गर्न यसअघि ५० करोड स्वास्थ्य मन्त्रालयलाई प्रदान गरेकाे थियाे। खाेपका लागि अझै ४८ अर्ब चाहिने अनुमान गरिएकाे छ।
एमीकस क्युरी तथा वरिष्ठ अधिवक्ता विजयकान्त मैनालीले बहुमतकाे प्रधानमन्त्रीलाई संसद विघटनकाे अधिकार रहेकाे बताएका छन्। प्रतिनिधिसभा विघटनविरुद्धका मुद्दामा एमीकस क्युरीको तर्फबाट राय राख्दै बुधबार मैनालीले संविधानको धारा ७६ को उपधारा ७ को प्रतिनिधिसभा विघटनको अधिकार बहुमतको प्रधानमन्त्रीलाई पनि रहेकाे राय पेश गरेका हुन्। उनले अदालतले नेकपा एकै ठाउँमा रहेकाे मान्नुपर्ने बताएका छन्।
निर्वाचन आयाेगलाई नेकपाभित्रकाे विवाद सुल्झाउन सकस परेकाे छ। निर्वाचन आयोगमा नेकपा ओली समूह र प्रचण्ड–माधव दुवै पक्षले आधिकारिकता दावी गरेपछि आयोग अप्ठ्याराेमा परेकाे हाे। विवादबारे आयोगले विभिन्न कोणबाट छलफल गरिरहेको भएपनि समाधान निस्किन सकेकाे छैन। आयोगले विवादकाे मुख्य जड रहेकाे सूर्य चिह्नलाई फ्रिज गर्नेतिर समेत छलफल गरेकाे छ।
पेट्रोलियम पदार्थको मुल्य वृद्धिको विरोधमा जनता समाज पार्टी (जसपा) निकट विद्यार्थीहरूले थाल ठटाएर प्रदर्शन गरेका छन्। माइतीघर मण्डलामा बुधबार आयाेजित प्रदर्शनमा थाल र चम्चा बजाउँदै विद्यार्थीहरुले प्रतिगामी सरकार मुर्दावाद, पेट्रोलियम पदार्थको मुल्य वृद्धि फिर्ता गर लगायतका नारा लगाउँदै प्रदर्शन गरेका हुन्। केही दिन यता महँगी निरन्तर बढिरहेकाे छ। चुनाव घाेषणा भएसँगै दैनिक उपभाेग्य वस्तुहरूकाे मूल्य वृद्धि भइरहेकाे छ।
भागरथी भट्टकाे बलात्कार र हत्याका आराेपी दिनेश भट्टले अपराध स्वीकारेकाे प्रहरीले जनाएकाे छ। उनले प्रहरीलाई मार्नकै लागि विद्यालयबाट छिटाे घर आएकाे साबिती दिएका छन्। उनले आफूले फुपुको बदला लिन हत्या गरेको बताएको प्रहरीले जनाएकाे छ। उनले भागरथीलाई लडाएर बेहोस बनाएपछि बलात्कार गर्न खोजेको तर बलात्कार भने नगरेकाे बयान दिएकाे बताइएकाे छ। आराेपी भागरथीलाई न्याय माग्न गरिएकाे आन्दाेलनमा समेत सहभागी थिए।
भागरथी भट्टको बलात्कार तथा हत्या प्रकरणमा पक्राउ परेका दिनेश भट्टलाई थप ५ दिन थुनामा राखी अनुसन्धान गर्न जिल्ला अदालत बैतडीले अनुमति दिएकाे छ। भागरथीका दाइ केशवराज भट्टले बुधबार बिहान आरोपी भट्टविरुद्ध किटानी जाहेरी दर्ता गराएका थिए।
भागरथी भट्टकाे बलात्कार र हत्यामा संलग्न रहेकाे आराेपमा उनकै विद्यालयमा अध्ययनरत एकजना पक्राउ परेका छन्। पक्राउ पर्नेमा दिनेश भट्ट रहेकाे प्रहरीले बताएकाे छ। उनलाई मंगलबार जिल्ला प्रहरी कार्यालय ल्याइएको छ। उनीविरुद्ध ज्यान मुद्दामा म्याद थप गरेर विस्तृत अनुसन्धान हुने बताइएकाे छ।
शिक्षा, विज्ञान तथा प्रविधिमन्त्री कृष्णगोपाल श्रेष्ठले नयाँ शैक्षिक सत्र असारदेखि सुरु हुने बताएका छन्। त्यस्तै सरकारले कक्षा १० मा पनि भर्ना हुन पाइने व्यवस्था गरेको छ। शिक्षा नियमावलीको नवौं संशोधन गरेर कक्षा ९ मा भर्ना भएर रजिस्ट्रेसन फाराम भरेपछि त्यही विद्यालयबाट एसईई दिनु पर्ने प्रावधान हटाउँदै कक्षा १० मा भर्ना हुन पाइने व्यवस्था गरेकाे हाे।
बैतडीकी १७ वर्षीया किशोरी भागरथी भट्टलाई बलात्कारपछि हत्या गर्ने दोषीकाे नजिकै पुगेका दाबी गृहमन्त्री रामबहादुर थापाले गरेका छन्। बढ्दो महिला हिंसाका घटनामा संलग्नलाई कारबाहीको माग गर्दै सर्वोच्च अदालत बार एसोसिएसन,महिला समितिको नेतृत्वमा मंगलबार मन्त्रालयमा गएको प्रतिनिधिमण्डलसँगको भेटमा मन्त्री थापाले यस्ताे बताएका हुन्। घटनामा संलग्न रहेको आशंकामा प्रहरीले एक जनालाई कञ्चनपुरबाट पक्राउ गरेको छ।
भारतको उत्तरपूर्वी राज्य त्रिपुराका मुख्यमन्त्री विप्लव देवले नेपालका सम्बन्धमा दिएको आपत्तिजनक अभिव्यक्तिका सम्बन्धमा नेपालले भारतकाे ध्यानाकर्षण गराएकाे छ। भारतस्थित नेपालका राजदूत निलाम्बर आचार्यले नेपाल डेस्कमा फाेन गरी बयानबारे प्रष्ट पार्न आग्रह गरेका हुन्। मुख्यमन्त्री देवले गृहमन्त्रीसँगकाे वार्तामा नेपाल र श्रीलंकामा समेत बिजेपी सरकार बनाउने याेजना रहेकाे भनेकाे बताएका थिए।
मन्त्रिपरिषद्ले कोरोना भाइरसविरुद्धको खोप खरिदमा अग्रिम भुक्तानी दिन सक्ने निर्णय गरेको छ। मंगलबार साँझ बसेको मन्त्रिपरिषद्को बैठकले भारतमा बनेको कोभिसिल्ड भाक्सिन खरिद गर्दा अग्रिम भुक्तानी दिने निर्णय गरेको हो। यसअघि भारतको सिरम इन्स्टिच्यूटसँग एक डोज खोपको ४ डलरमा खरिद गर्ने सहमति भएपनि कम्पनीले अग्रिम भुक्तानी माग्दा प्रक्रिया अघि बढेकाे थिएन।
एमीकस क्युरीका सदस्य तथा वरिष्ठ अधिवक्ता बद्रीबहादुर कार्कीले प्रतिनिधिसभा विघटन बदनियत र असंवैधानिक भएको बताएका छन्। उनले पार्टीभित्रकाे झगडाका कारण प्रतिनिधि सभा विघटन गर्न नपाउने दाबी गरेका हुन्। त्यस्तै अदालतले गर्ने फैसलामा प्रधानमन्त्रीलाई जवाफदेही हुने संविधानले व्यवस्था गरेको थलो पनि देखाउनुपर्ने कार्कीको भनाइ थियो।
संसद विघटनकाे मुद्दामा पक्ष विपक्षकाे बहस सकिएसँगै एमिकस क्युरीबाट राय संकलन गर्ने कार्य सुरु भएकाे छ। अदालतकाे सहयाेगीका रूपमा रहने एमिकस क्युरीले मंगलबारबाट सर्वाेच्च अदालतलाई राय दिन थालेकाे हाे। एमिकसकाे राय बुझेसँगै अदालतले फैसलाकाे मिति तय गर्ने बताएकाे छ।
नेपाली कांग्रेसका सभापति शेरबहादुर देउवाले कम्युनिस्टहरूलाई राजाले हुर्काएकाे आराेप लगाएका छन्। राजाले आफूहरूलाई दुःख दिएकाे बताउँदै उनले कम्युनिस्टहरू नै राजा बनेकाे बताएका हुन्। देउवाले जुलुसले प्रतिनिधिसभा विघटनको निर्णय जुलुसले नगर्ने समेत बताएका छन्। त्यस्तै उनले वैशाखमा चुनाव हुनेमा शंका व्यक्त गरेका छन्।
विघटित प्रतिनिधिसभाका सांसदहरूले संसद विघटन भएकाे लामाे समयसम्म गाडी फिर्ता गरेका छैनन्। संसद विघटनसँगै प्रतिनिधिसभाका सांसद र विषयगत समितिका सभापतिको सुविधा पनि खोसिएको भएपनि उनीहरूले गाडी फिर्ता गरेका छैनन्। गाडी फिर्ता नगर्नेहरूमा संसदकाे विभिन्न समितिका अध्यक्ष लगायत रहेका छन्। संसदहरूले गाडी फिर्ता गर्ने छाँट नदेखाएपछि संसद सचिवालयले भने गाडी फिर्ता नगर्ने सांसदहरूकाे सूची तयार गरेकाे छ।
प्रधानमन्त्री केपी शर्मा ओली नेतृत्वकाे सरकारले तीन वर्ष पूरा गरेकाे छ। सरकारले तीन वर्ष पूरा गरेका अवसरमा प्रधानमन्त्री ओलीले तीन वर्षको अवधिमा विभिन्न ८९ वटा नयाँ कानुन निर्माण गरेकाे, लाेडसेडिङ हटाएकाे तथा विकास निर्माणले गति लिएकाे बताएका छन्। बजेटकाे आकार बढेकाे दाबी गर्दै उनले प्रतिव्यक्ति आय समेत बढेकाे दाबी गरेका छन्।
अदालतकाे अपहेलना मुद्दामा चारजना पूर्वप्रधान्यायाधीशहरूले सर्वाेच्चमा लिखित जवाफ बुझाएका छन्। अदालतको अवहेलनासम्बन्धी मुद्दा झेलिरहेका पूर्वप्रधानन्यायाधीशले सोमबार सर्वोच्च अदालतमा लिखित जवाफ पेश गरेका हुन्। अधिवक्ता लोचन भट्टराई र धनजीत बस्नेतले उनीहरूविरुद्ध मुद्दा दायर गरेका थिए। उनीहरूले छुट्टाछुट्टै जवाफ पेश गरेका हुन्। जवाफमा अदालतमा विचाराधीन हुँदैमा जनसरोकारकाे विषयमा बोल्न नपाइने भन्ने नहुने बताइएकाे छ।
प्रधानमन्त्री केपी शर्मा ओलीले देशलाई कुलमानले नभई आफूले लोडसेडिङ हटाएकाे बताएका छन्। काठमाडौंमा आयोजित उद्योगी तथा व्यावसायीको राष्ट्रिय भेलामा बोल्दै उनले लोडसेडिङ हटाएको जस अरूले लिन खोजे पनि भारतसँग विद्युत खरिद गरी आफूले लोडसेडिङ हटाएको बताएका हुन्। यसअघि लुम्बिनी प्रदेशका मुख्यमन्त्री शंकर पाेखरेलले पनि प्रधानमन्त्री ओलीकाे पहलमा लाेडसेडिङ हटेकाे बताएका थिए।
आईपीएल २०२१ का लागि नेपाली क्रिकेट टाेलीका खेलाडी सन्दीप लामिछाने छनाैट भएका छन्। ट्वेन्टी-ट्वेन्टी क्रिकेटको चर्चित इन्डियन प्रीमियर लीग (आईपीएल) को सन् २०२१ को प्रतियोगिताका निम्ति खेलाडीहरूलाई अक्शन वा लिलाम बढाबढबाट छान्ने सूचीमा यसपालि पनि केवल एक नेपाली खेलाडी परेका हुन्।
नेपालमा पाँच वर्षमा ८ हजारभन्दा बढी बलात्कार भएकाे तथ्यांक सार्वजनिक भएकाे छ। प्रहरीको तथ्यांकले विगत पाँचवटा आर्थिक वर्षमा नेपालमा ८,००० भन्दा बढी बलात्कार र ३,१०० भन्दा बढी बलात्कारको प्रयासका घटना भएको देखिएकाे हाे। यस अवधिमा झन्डै ६०,००० हजार घरेलु हिंसाका घटनाहरू दर्ता भएका छन्।
अदालतको अवहेलना मु्द्दामा न्यायाधीश मनोजकुमार शर्माले प्रधानमन्त्री केपी शर्मा ओलीलाई बाटोको म्यादबाहेक ७ दिनभित्र आफैं लिखित जवाफ पेश गर्न आदेश दिएको १५ दिनसम्म पनि अदाललतमा जवाफ पुगेकाे छैन। प्रधानमन्त्रीका प्रेस सल्लाहकार सूर्य थापाले अदालतबाट उक्त आदेशको जानकारीसहितको पत्र नआएको बताए।
मुलुकका विभिन्न ठाउँमा भएको महिला हिंसा एवं प्रतिगमनको विरुद्धमा काठमाडौँमा महिला मार्च गरिएको छ। वसन्तपुरबाट सुरु भएको आन्दोलन रत्नपार्क हुँदै सिंहदरबार पुगेकाे थियाे। विरोध र्यालीमा सरकारले महिला हिंसा रोक्न नसकेको, बलात्कार र हत्याका घटनाहरू नरोकिएको भन्दै आक्रोश पोखिएको छ। मार्चमा प्रतीकात्मक शवयात्रा निकालिएकाे छ।
सर्वाेच्च अदालतमा विचाराधीन संसद विघटनविरुद्धकाे मुद्दामा भइरहेकाे बहसका क्रममा प्रधानमन्त्रीका वकिलहरूले प्रधानमन्त्रीलाई राजा र श्री ३ बराबरको अधिकार रहेकाे बताएका छन्। प्रधानमन्त्रीका निजी कानुन व्यवसायी अधिवक्ता रामचन्द्र गौतमले संसदीय शासन प्रणालीमा प्रधानमन्त्रीलाई अवशिष्ट अधिकार रहेको दाबी गरेका हुन्।
साताको अन्तिम कारोबार हुने दिन - बिहीबार सेयर बजारओरालाे लागेकाे छ। आज नेप्से परिसूचक १६.११ अंकले घटेर २५२६.९२ अंकमा पुगेको हो। नेप्से ०.६३ प्रतिशतले घटेको हो। यस्तै सेन्सेटिभ परिसूचक पनि १.६६ अंकले घटेर ४६३.४७ अंकमा पुगेको छ। कुल २ सय ६ वटा कम्पनीको १ करोड ५९ लाख ९२ हजार ९९० कित्ता सेयर खरिदबिक्री हुँदा ८ अर्ब ३८ करोड २२ लाख १२ हजार ६३४ रुपैयाँ बराबरको कारोबार भएको नेप्सेले जनाएको छ।
प्रतिबन्धित नेपाल कम्युनिष्ट पार्टी (विप्लव समूह)ले अन्य ३ पार्टीसँग माेर्चाबन्दी गरेकाे छ। माेर्चामा विप्लव नेतृत्वको नेपाल कम्युनिस्ट पार्टी, मोहन वैद्य नेतृत्वको नेपाल कम्युनिस्ट पार्टी (क्रान्तिकारी माओवादी), ऋषिराम कट्टेल नेतृत्वको नेपाल कम्युनिस्ट पार्टी र विश्वभक्त दुलाल (आहुति) नेतृत्वको वैज्ञानिक समाजवादी कम्युनिस्ट पार्टी रहेका छन्। माेर्चाले सरकार विरुद्ध माघ २९ देखि फागुन १८ गतेसम्मका संघर्षका कार्यक्रमहरू समेत सार्वजनिक गरेकाे छ। यसअघि सरकारले विप्लव समूहलाई वार्तामा ल्याउने काेसिस गरेकाे थियाे।
प्रहरीले नेकपा प्रचण्ड-माधव समूहकी केन्द्रीय सदस्य रामकुमारी झाँक्रीलाई रिहा गरेको छ। पक्राउ परेकाे ५ घण्टामै रिहा भएकी झाँक्रीले राष्ट्रपतिकाे आलाेचना गरेकाेमा पश्चाताप नभएकाे बताएकी छन्। उनले आफ्नाे रिहाइले प्रतिगमन झुकेकाे प्रक्रियाका रूपमा रहेकाे बताइन्। प्रहरीले भने संवैधानिक राष्ट्रपतिप्रति सम्मान रहेकाे भन्ने लिखित कागज बनाएपछि झाँक्री रिहा भएकाे बताएकाे छ। राज्यविरुद्धको कसुरको आरोपमा पक्राउ परेकी झाँक्रीलाई प्रहरीले सामान्य सोधपुछपछि बिहीबार साँझ रिहा गरेको हो।
नेकपाकाे प्रचण्ड-नेपाल पक्षकी नेत्री रामकुमारी झाँक्री पक्राउ परेसँगै विभिन्न राजनीतिक दल तथा नेताहरूले प्रतिक्रिया दिइरहेका छन्। नेपाली कांग्रेसका नेता गगन थापाले बाेलेकै आधारमा पक्राउ गर्न थाले जेल भरिने बताएका छन्। त्यस्तै, नेकपाका अध्यक्ष प्रचण्डले नेत्री झाँक्रीलाई प्रधानमन्त्रीकाे ठाडाे निर्देशनमा पक्राउ गरिएकाे बताएका छन्। नेकपाकै नेता सुरेन्द्र पाण्डेले फाँसीवादी तरिकाले झाँक्री पक्राउ परेकाे बताएका छन्। त्यस्तै, कांग्रेसका बरिष्ठ नेता रामचन्द्र पाैडेलले झाँक्रीकाे पक्राउले सरकारकाे अधिनायकत्व उदांगिएकाे बताएका छन्। राष्ट्रपति विद्यादेवी भण्डारीबारे दिएको अभिव्यक्तिलाई लिएर प्रहरीले झाँक्रीलाई पक्राउ गरेको हो।
नेकपाको दाहाल–नेपाल समूहकी नेत्री रामकुमारी झाँक्रीलाई प्रहरीले पक्राउ गरेको छ। राष्ट्रपतिविरुद्ध गालीगलौज र मानमर्दन हुने गरी अभिव्यक्ति दिएको भन्दै प्रहरीले उनलाई पक्राउ गरेकाे हाे। अपराध पुष्टि भएमा उनलाई ७ वर्ष कैद, ७० हजार रुपैयाँ जरिवाना वा दुवै सजाय हुनेछ। कार्यकर्ताहरूकाे विराेधका बीच उनलाई पक्राउ गरिएकाे हाे। कानुनविद्हरूले भने झाँक्रीलाई राज्यविरूद्धको कसुरअन्तर्गत पक्राउ गर्नै नमिल्ने बताएका छन्। मुलुकी अपराध संहिताको दफा ५८ मा राष्ट्रपति वा संसदलाई धम्की दिन नहुनेबारे व्यवस्था छ।
प्रतिनिधिसभा विघटनसम्बन्धी सर्वाेच्च अदालतमा विचाराधीन मुद्दाकाे बहस अन्तिम चरणमा पुगेसँगै छिट्टै फैसला आउने आँकलन गर्न थालिएकाे छ। विपक्षीहरूको बहस अन्तिम चरणमा प्रवेश गरेसँगै संवैधानिक इजलासले उक्त विवादलाई फागुनको दोस्रो साताआसपास निरूपण गर्ने सम्भावना रहेकाे बताइएकाे छ।
अध्यागमन विभागले विदेश भ्रमणसम्बन्धि कार्यविधिमा संशोधन गरि खाडी मुलुकमा पहिलोपटक भ्रमण गर्ने महिलालाई परिवारको सहमति वा वडाको सिफारिस अनिवार्य चाहिने प्रावधान राख्न सिफारिस गरेको छ। खाडी मुलुकमा एक्लै भिजिट भिसामा जाने महिलालाई मात्र यस्तो सिफारिस चाहिने व्यवस्था गर्न सिफारिस गरिएको अध्यागमन विभागले जनाएकाे छ।
नेपाल कम्युनिस्ट पार्टी नेकपाकाे प्रचण्ड-नेपाल समूहका अध्यक्ष पुष्पकमल दाहाल प्रचण्डले सिंहदरबार र बालुवाटार घेर्न १० लाख मान्छे मैदानमा उतार्ने चेतावनी दिएका छन्। प्रधानमन्त्री केपी शर्मा ओलीले जनताका पीडा नबुझे सिंहदरबार र बालुवाटार घेरिने बताएका हुन्। शान्तिपूर्ण आन्दोलन विद्रोहमा गए आँधीहुरी आउने प्रचण्डकाे भनाइ थियाे।
नेपाल कम्युनिष्ट पार्टी (नेकपा) दाहाल–नेपाल समूहले बुधबार काठमाडौँमा शक्ति प्रदर्शन गरेको छ। दाहाल–नेपाल समूहले राजधानीका विभिन्न स्थानबाट र्याली निकालेर भृकुटीमण्डपमा विशाल सभाको आयोजना गरेको हो। यसअघि प्रधानमन्त्री केपी शर्मा ओलीकाे नारायणहिटी दरबार अगाडि आमसभा गरेका थिए। ओलीकाे साे आमसभा भन्दा आजकाे आमसभा विशाल भएकाे दाबी गर्दै कार्यक्रममा ५ लाखकाे संख्यामा मानिसहरू आएकाे दाबी अध्यक्ष दाहालले गरेका छन्। कार्यक्रम सकिएपछि नेताहरूले सभास्थलमा सरसफाइ समेत गरेका छन्।
नेकपाकाे प्रचण्ड-माधव समूहले सर्वाेच्च अदालत र निर्वाचन आयाेगलाई खुट्टा नकमाउन आग्रह गरेकाे छ। प्रतिनिधिसभा विघटनको विरोधमा बुधबार काठमाडौँमा आयोजित जनसभालाई सम्बोधन गर्दै अध्यक्ष प्रचण्ड निर्णय लिने सन्दर्भमा अदालत र आयाेगले खुट्टा कमाउन नहुने बताएका हुन्। त्यस्तै अर्का अध्यक्ष माधव कुमार नेपालले आवश्यक परे निर्वाचन आयाेगमा ४४१ जना ल्याएर आउने समेत बताएका छन्.
सरकारले निर्धारित समयमै चुनाव हुने दाबी गरेकाे छ। मंगलबार प्रधानमन्त्री स्वयं निर्वाचन आयोगमा चुनावकाे तयारीकाे विषयमा जायजा लिन पुगी समयमै चुनाव हुने बताएका हुन्। सरकारले हिजाे मात्रै पहिलाे चरणमा ४० तथा दाेस्राे चरणमा ३७ जिल्लामा चुनाव गराउने निर्णय गरेकाे थियाे। तर, नेकपाकै प्रचण्ड-माधव खेमाले ओलीको कदम नसच्चिए देश गम्भीर संकटमा फस्ने बताएकाे छ।
सरकारले नेपाल विद्युत प्राधिकरणकाे कार्यकारी निर्देशकमा हितेन्द्रदेव शाक्यलाई नियुक्त गरेको छ। कुलमान घिसिङलाई पुनःनियुक्ति दिन कानुनी अड्चन भएकाे बताएकाे सरकारले शाक्यलाई भने विना प्रतिस्पर्धा नियुक्त गरेकाे हाे। यसअघि प्रधानमन्त्री केपी शर्मा ओलीले नै घिसिङकाे नियुक्ति राेकेका थिए।
भातको उत्तराखण्डमा गएको हिमपहिरोमा परेर सोमबारसम्म १९ जनाको मृत्यु भएको छ। घटनामा परी २ सयभन्दा बढी बेपत्ता भएका छन्। विज्ञहरूले घटनाको कारण तापक्रम वृद्धि भएकाे हुनसक्ने बताएका छन्।
वार्षिक प्रतिवेदन पेश नगरेकाे भन्दै नेपाल धितोपत्र बोर्डको निर्देशनअनुसार नेपाल स्टक एक्सचेञ्जले ३ बैंक तथा वित्तीय संस्था, १ बिमा कम्पनी र ७ वटा हाइड्रोपावर कम्पनीहरुको सेयर कारोबार रोक्का गरेकाे छ। आजै नेप्से परिसूचक अहिलेसम्मकै उच्च स्थानमा पुगेकाे छ। त्यस्तै नेप्सेमा टि प्लस टु लागू भएकाे छ।
संसद विघटनविरुद्धको मुद्दामा सर्वाेच्चमा सुनुवाइ भइरहेकाे छ। जारी बहसका क्रममा आज प्रधानन्यायाधीश चाेलेन्द्र शमशेर जबरा अधिवक्ताहरूसँग झाेक्किएका छन्। अधिवक्ताहरूले समयकाे पालना नगरेपछि जबरा झाेक्किएका हुन्। यसअघि पनि जबरा अधिवक्ताहरूसँग झाेक्किएका थिए।
माघ तेस्रो साता कोरोना खोप भित्रिएपछिको नेपाल, महाकाली नदि थुनियो, विप्लव समूहसँग मैत्री सम्बन्ध बनाउँदै सरकार, पशुपतिमा १४१ किलो सुनको जलहरी, प्रचण्ड-नेपाल समूहकाे हड्ताल, सेनाकाे बख्तरबन्द, प्रधानमन्त्रीकाे आमसभा, 'पुटिन प्यालेस' को रहस्य, म्यान्मारमा सैनिक कू, भारतमा नयाँ आवकाे लागि बजेट लगायतका विषयवस्तुहरू चर्चाका केन्द्रमा रहे। हप्ताभरका सम्पूर्ण गतिविधिहरूलाई छोटकरीमा यहाँ एकमुष्ट पढ्नुहोस्।
सभामुख अग्निप्रसाद सापकोटाले हालै गरिएका संवैधानिक नियुक्तिहरूविरुद्ध सर्वोच्च अदालतमा राष्ट्रपति कार्यालय तथा अन्य ३८ जनालाई विपक्षी बनाएर सर्वोच्च अदालतमा रिट निवेदन दायर गरेका छन्। रिट दायर गरेसँगै उनले पत्रकार सम्मेलन गरेका छन्। सम्मेलनमा उनले संविधानमाथि लगातार हमला भएकाले अदालतमा रिट निवेदन दिनुपरेकाे बताएका छन्।
प्रधानमन्त्री केपी शर्मा ओलीकाे आमसभा सम्पन्न भएकाे छ। दरबारमार्गस्थित नारायणहिटी संग्रहालय अगाडि आमसभा गरिएकाे हाे। सभामा प्रधानमन्त्रीले देश पुनः पछाडि फर्किन नसक्ने बताएका छन्। सभा ऐतिहासिक भएकाे उनकाे दाबी थियाे।
साेमबार काठमाडाैँमा बख्तरबन्द सहित नियमित अभ्यास गरेकाे नेपाली सेनाकाे बख्तबन्द देशका बुटवल, चितवन र कैलालीमा पनि देखिएकाे छ। नेपाली सेनाले नियमित अभ्यासका लागि बख्तरबन्द सडकमा निकालेको हाे। कतिपयले भने सेनाकाे नियमित अभ्यासलाई सन्देहकाे आँखाले हेरिरहेका छन्।
सर्वाेच्च अदालतमा चलिरहेकाे संसद विघटनविरुद्धकाे मुद्दामा सरकारी वकिलहरू रक्षात्मक देखिएका छन्। इजालसबाट गरिने प्रश्नमा सरकारी वकिलहरू रक्षात्मक देखिएका हुन्। आजकाे बहसमा न्यायाधीश प्रस्ट हुन खोज्ने, सरकारपक्ष तर्कने अवस्था देखिएकाे छ।
नेपाल कम्युनिस्ट पार्टी (नेकपा) काे प्रचण्ड-नेपाल समूहले आव्हान गरेकाे नेपाल बन्द सहितकाे एकदिने हड्ताल सकिएकाे छ। देशभरि आंशिक प्रभाव रहेकाे हड्ताललाई प्रचण्ड समूहले सफल भएकाे बताएकाे छ भने प्रधानमन्त्रीले जनतालाई किन दुःख दिएकाे भन्दै प्रश्न गरेका छन्। हड्तालका क्रममा समूहका कैयाैं नेता कार्यकर्ता पक्राउ परेका छन् भने थुप्रै घाइते भएका छन्।
नेकपाको प्रचण्ड-नेपाल पक्षले 'बाध्यात्मक' कदम भन्दै भाेलि २१ गते आमहड्ताल घोषणा गरेकाे छ। हड्तालकर्ताहरूले परीक्षा दिन जानेहरूलाई अवराेध नगर्ने बताएकाे छ। त्यस्तै भाेलिकाे हड्ताल केका लागि भन्दै प्रधानमन्त्री ओलीले प्रचण्ड-माधव समूहलाई प्रश्न साेधेका छन्।
संवैधानिक परिषदको सिफारिसमा राष्ट्रपति विद्यादेवी भण्डारीले विभिन्न संवैधानिक निकायका प्रमुख तथा पदाधिकारीलाई नियुक्त गरेकी छन्। राष्ट्रपति विद्यादेवी भण्डारीले बुधबार अख्तियार दुरुपयोग अनुसन्धान आयोग, निर्वाचन आयोग लगायतका संवैधानिक निकायमा पदाधिकारी नियुक्त गरेकी हुन्। नियुक्तिसँगै नियुक्तिविरुद्ध सर्वाेच्चमा रिट परेकाे छ।
सरकारले संर्घषरत विप्लव समूहसँग वार्ताकाे वातावरण बनाउन पहल गरेकाे छ। यस क्रममा सरकारका मन्त्री मणि थापाले नख्खुस्थित जेलमा रहेका विप्लव समूहका नेता हेमन्तप्रकाश ओलीसँग भेट गरेका छन्। यसअघि सरकारले विप्लव समूहलाई प्रतिबन्ध लगाएकाे थियाे।
नेपाल कम्युनिस्ट पार्टी (नेकपा) को प्रचण्ड–माधव पक्षले निर्वाचन आयोगमा पार्टीको आधिकारिकता दावी गर्दै निवेदन दिएकाे छ। उता याे समूहका अध्यक्ष प्रचण्डले अदालतले संसद पुनःस्थापना नगरे संसद बैठक बोलाएर ओलीलाई हटाउने बताएकाे छ।
सरकारले चुनाव घाेषणा गरेसँगै बजारमा महँगी बढेकाे छ। बजारमा खासगरी दैनिक उपभाेग्य वस्तुहरूकाे मूल्य आकासिएकाे हाे। प्रधानमन्त्री केपी शर्मा ओलीले ५ पुसमा प्रतिनिधिसभा भंग गरेर मध्यावधि चुनाव घोषणा भएपछि महँगी बढेको हाे।
नेपाल कम्युनिस्ट पार्टी (नेकपा) औपचारिक रूपमा फुटतिर अघि बढ्ने देखिएकाे छ। नेकपाकाे प्रचण्ड-माधव समूहले पार्टी विभाजनका लागि निर्वाचन आयाेग जाने निर्णय गरेसँगै पार्टी विभाजनतिर जाने देखिएकाे छ।
एसियन देश म्यान्मार (बर्मा) मा सैनिक कू भएकाे छ। म्यान्मारको सेनाले देशलाई आफ्नो नियन्त्रणमा लिएको पुष्टि गर्दै नेत्री आङ सान सू ची लगायतका नेताहरूलाई पक्राउ गरेको बताएकाे छ। घटनापछि अमेरिकी राष्ट्रपति जाे बाइडेनले पक्राउ परेका नेताहरू तत्काल नछुटे कारबाही गर्ने चेतावनी दिएकाे छ।
भारतले नयाँ आर्थिक वर्ष २०२१/२२ का लागि बजेट सार्वजनिक गरेकाे छ। भारतीय वित्तमन्त्री निर्मला सीतारमणले संसदमा पेश गरेकाे बजेट भारतीय इतिहासमै पहिलाेपटक 'ट्याबलेट'बाट सार्वजनिक गरिएकाे हाे। यसपटककाे बजेटमा भारतले स्वास्थ्य क्षेत्रलाई प्राथमिकतामा राखेकाे छ। त्यस्तै भारतले नेपाललाई दिँदै आएकाे अनुदानमा समेत वृद्धि गरेकाे छ।
निर्वाचन आयाेगले नेकपाका दुवै समूहलाई आयोगमा बाेलाएर छलफल अघि बढाएकाे छ। निर्वाचन आयोगले नेपाल कम्युनिस्ट पार्टी (नेकपा) का दुबै पक्षसँग आज छलफल गरेकाे हाे। केपी शर्मा ओली र पुष्पकमल दाहाल ‘प्रचण्ड’लाई छुट्टाछुट्टै पत्र लेखेर आयोगले निर्वाचन तयारी र दल दर्ता प्रक्रियाबारे छलफल गर्न बहादुर भवनस्थित कार्यालयमा बोलाएको हाे।
नेपाल इन्फ्रास्ट्रक्चर बैंक लिमिटेडको साधारण शेयर (आइपीओ) काे बाँडफाँड सम्पन्न भएकाे छ। त्यस्तै याे साता शेयर बजारले नयाँ रेकर्ड राखेकाे छ। अघिल्लो साता नेप्सेमा ३४ अर्ब १६ करोड रुपैयाँभन्दा माथिको कारोबार भएकोमा याे साता बढेर ४४ अर्ब ४६ करोड रुपैयाँ नाघेको छ ।
विभाजित नेपाल कम्युनिस्ट पार्टी (नेकपा) लाई पुनः एक ठाउँमा ल्याउन उपाध्यक्ष वामदेव गाैतमले प्रयास गरिरहेका छन्। विवादपछि दुई भागमा विभक्त नेकपाकाे कुनै पनि खेमामा नलागेका गाैतमले पार्टी एकता बचाउने
भन्दै अभियान थालेका हुन्।
सर्वाेच्चमा संसद विघटन विरुद्धकाे जारी सुनुवाईमा बहस लम्बिँदै गएपछि प्रधानन्यायाधीश चाेलेन्द्र शमशेर जबराले बहसका लागि १०/१५ मिनेट भन्दा बढी समय दिन नसकिने बताएका छन्। प्रधानन्यायाधीश जबराले इजलासमा रमाइलाे तरिकाले प्रश्नाेत्तर गरिरहेका छन्।
नवनिर्वाचित अमेरिकी राष्ट्रपति जाे बाइडेन र रुसी राष्ट्रपति भ्लादिमिर पुटिन बीच टेलिफाेन वार्ता भएकाे छ। नवनिर्वाचित अमेरिकी राष्ट्रपति बाइडेन र रुसी राष्ट्रपति पुटिन बीच पहिलाेपटक फाेन वार्ता भएकाे हाे। मंगलवार दिउँसो भएको संवादमा रुसमा जारी विपक्षीको प्रदर्शन र आणविक सम्झौताको सुरुवात गर्ने लगायत विषयमा छलफल भएको बताइएको छ।
भारतमा केही महिना यतादेखि चलिरहेकाे किसान आन्दाेलनले मंगलबार हिंसाकाे रूप लिएकाे छ। प्रहरीसँग भएकाे प्रदर्शनकारीकाे भिडन्तमा परी एक प्रदर्शनकारीको मृत्यु भएको छ। भारतमा आजै गणतन्त्र दिवस समेत मनाइएकाे छ।
नेपाल आराेहण दलले विश्वकै दाेस्राे सर्वाेच्च शिखर केटु हिमाल आराेहण गरेकाे छ। जाडो सिजनमा पहिलोपटक पाकिस्तानको माउन्ट केटु (८६११ मिटर अग्लो) हिमाल आरोहण गरेर नेपाली टोली काठमाडौं फर्किएको हाे। टाेलीलाई प्रधानमन्त्रीले सम्मान गरेका छन्।
प्रधानमन्त्री केपी शर्मा ओलीविरुद्ध सर्वाेच्चमा अदालतकाे अपहेलना मुद्दा दायर भएकाे छ। माघ ११ गते वरिष्ठ अधिवक्ता कुमार शर्मा आचार्यले प्रधानमन्त्री विरुद्ध अपहेलनाको मुद्दा पेश गरेका हुन्। त्यस्तै ४ जना पूर्वप्रधानन्यायाधीशहरू विरुद्ध समेत अपहेलना मुद्दा दायर भएकाे छ।
केही समयअघि देखि तनावग्रस्त भारत-चीन सीमामा पुनः भिडन्त भएकाे छ। भिडन्तमा दुवैतर्फका केही सैनिक घाइते भएका छन्। झडपपछि भारतले चीनका सैनिकलाई सीमा क्षेत्रबाट खेदेकाे बताइएकाे छ। यसअघि भारतचीनका सैनिकहरूबीच झडप हुँदा २० जना भारतीय सैनिककाे ज्यान गएकाे थियाे।
प्रधानमन्त्री केपी शर्मा ओलीले संसद पुन:स्थापनाको पक्षमा बहस गरेका वरिष्ठ अधिवक्ता कृष्णप्रसाद भण्डारीलाई लक्षित गरी व्यक्तिगत टिप्पणी गरेकाे भन्दै अधिवक्ताहरूले विराेध जनाएका छन्। अधिवक्ता भण्डारीले स्वयंले पनि यसकाे विराेध गरेका छन्। उनले यस विषयमा अदालतमा समेत प्रश्न उठाएका छन्। प्रधानमन्त्रीले केहीदिन अघि अधिवक्तालाई अदालतमा लगेर 'तमासा' देखाएकाे आराेप लगाएका थिए।
प्रतिनिधिसभा विघटनविरुद्ध निकालिएको नागरिक मार्चमा प्रहरीले हस्तक्षेप गरेकाे छ। प्रधानमन्त्री केपी शर्मा ओलीको प्रतिनिधि सभा विघटन गर्ने असंवैधानिक कदमको विरोधमा नागरिक अगुवाहरुले गरेको बालुवाटार मार्च पासमा प्रहरीले हस्तक्षेप गर्दा केही अगुवाहरु घाइते समेत भएका छन्। नागरिक अगुवाहरूले प्रहरी दमनकाे घाेर भत्र्सना गरेका छन्।
लामाे समय एउटै पार्टीमा रहेर सशस्त्र संघर्ष गरेका प्रचण्ड र बाबुराम पुनः एकै ठाउँ देखिएका छन्। प्रधानमन्त्री केपी शर्मा ओलीले संसद विघटन गरेसँगै वैचारिक रूपमा एकै ठाउँ देखिएका प्रचण्ड र बाबुराम बीच लामाे समयपछि औपचारिक छलफल भएकाे छ। त्यस्तै उनीहरूले आजै उपरराष्ट्रपति नन्दकिशोर पुनसँग पनि भेट गरेका छन्।
नवनिर्वाचित अमेरिकी राष्ट्रपति जाे बाइडेनले काेराेना नियन्त्रण आफ्नाे प्राथमिकतामा रहने बताएका छन्। भाइरस नियन्त्रणका लागि बाइडेनले १० वटा कार्यकारी आदेशमा हस्ताक्षर गरेकाे जनाइएको छ। त्यस्तै उनले अमेरिका पुनः डब्लूएचओमा फर्किने निर्णय गर्दै ट्रम्पले यसअघि गरेकाे निर्णय उल्ट्याएका छन्।
1609674684.jpg)
