बाँकेका सहरी क्षेत्रमा गाडी दुर्घटनामा वृद्धि भएको छ । ट्राफिक नियम पालना नहुँदा दैनिक दुर्घटना भइरहेका छन् । तैपनि नियमन अझै फितलो छ । उल्लंघन गर्नेबाट जरिवाना लिँदा पनि सडक दुर्घटना न्यूनीकरण हुन सकेको छैन । सामान्य जरिवानापछि कारबाहीबाट उन्मुक्ति पाउने हुँदा पनि सवारी चालकले तीव्र गतिमा सवारी साधन चलाउँछन् । जसले गर्दा सडक दुर्घटनालाई बढावा दिएको छ । बाँकेमा पछिल्लो साढे नौ महिनाको अवधिमा ५४ जनाले सवारी दुर्घटनामा ज्यान गुमाइसकेका छन् ।