आयोजना प्रमुख मनोज नकर्मीका अनुसार ल्यान्डफिलसाइट निर्माणको कामअन्तर्गत अहिले पोखरी ढलानको काम भइरहेको छ । काम सकी फोहोर बिसर्जन गर्दै जाने र अन्य बाँकी काम गर्दै जाने तयारी रहेको छ ।
बन्चरेडाँडामा स्यानिटरी ल्यान्डफिलसाइट निर्माण गर्न २२ वैशाख ०७६ मा एक वर्षभित्र काम सम्पन्न गर्ने गरी लुम्बिनी कोसी एन्ड न्यौपाने जेभी (उपक्रम)सँग ठेक्का सम्झौता गरिएको थियो । मूल्य अभिवृद्धि करबाहेक ३४ करोड ६८ लाख ७४ हजार रुपैयाँमा सम्झौता भएको थियो ।