पोखरामा आगामी महिनाको सुरुदेखि सुरु हुन लागेको ए डिभिजन फुटसलको तालिका सार्वजनिक भएको छ । एन्फा कम्प्लेक्स सातदोबाटोमा एक कार्यक्रमको आयोजना गरी खेल तालिका सार्वजनिक गरिएको हो ।
ए डिभिजन फुटसलमा छ प्रदेशका कुल दश टोली सहभागी हुँदैछन् । लिग विजेताले दश रुपियाँ र ट्रफीबाट पुरस्कृत हुनेछ । उपविजेताले पाँच लाख र उत्कृष्ट खेलाडी, गोलकिपर, डिफेन्डर, प्रशिक्षक र उदयीमान खेलाडीले पच्चीस पच्चीस हजार रुपियाँबाट पुरस्कृत हुनेछन् ।
प्रतियोगितामा प्रदेश १ बाट धरान र द राइजिङ धरान गरी दुई टोली चयन भएका छन् । बागमती प्रदेशबाट ढुकु फुटसल हब, शङ्खमूल फुटसल, प्रभातफेरी युथ क्लब र स्काई गोल्स फुटबल चयन भएका छन् । गण्डकी प्रदेशबाट स्पोर्टस कैसल र सबिन मेमोरियल फुटसल क्लब तथा लुम्बिनी कर्णाली र सुदूरपश्चिमबाट लुम्बिनी फुटसल र झर्ना स्पोर्टस क्लब सहभागी हुँदैछन् ।
